ആലപ്പുഴ :
അമ്പലപ്പുഴയിൽ നിയന്ത്രണം തെറ്റിയ കാറിടിച്ച് പരിക്കേറ്റയാൾ മരിച്ചു. പുന്നപ്ര വടക്ക് വാടയ്ക്കൽ ഇടപ്പറമ്പിൽ മനോജ് (43) ആണ് മരിച്ചത്. തൂക്കുകുളം ജംഗ്ഷനു സമീപം ഇന്നലെ പുലർച്ചെയായിരുന്നു അപകടം നടന്നത്. സമീപത്തെ തട്ടുകടയിലേക്ക് പോകുമ്പോൾ നിയന്ത്രണം തെറ്റിയെത്തിയ കാർ ഇടിക്കുകയായിരുന്നു. ഓടി കൂടിയ സമീപവാസികൾ ചേർന്ന് മനോജിനെ ആലപ്പുഴ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും മരിച്ചു. പോസ്റ്റുമോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുനൽകി. അമ്മ: ഓമന. സഹോദരങ്ങൾ: ബൈജു, സംഗീത.
Advertisements
