കോട്ടയം : എംസി റോഡരികിൽ ഏറ്റുമാനൂർ അടിച്ചിറയിൽ അക്രമാസക്തനായി ഒപ്പം ഉണ്ടായിരുന്ന യുവാവിനെ ആക്രമിച്ച പ്രതിയെ പോലീസ് സാഹസികമായി കീഴ്പ്പെടുത്തി. വെള്ളിയാഴ്ച അർദ്ധരാത്രിയോടുകൂടി ഉണ്ടായ സംഭവത്തിലാണ് പോലീസിന്റെ സാഹസിക ഇടപെടൽ ഉണ്ടായത്. അടിച്ചിറയിൽ രണ്ടുപേർ തമ്മിൽ ഏറ്റുമുട്ടുന്നതായി വിവരം ലഭിച്ചതിനെ തുടർന്നാണ് ഏറ്റുമാനൂർ പോലീസ് സംഘം സ്ഥലത്ത് എത്തിയത്.
എന്നാൽ അക്രമാസക്തനായ പ്രതി ഒപ്പമുണ്ടായിരുന്ന ആളെ ആക്രമിക്കുകയും ഗുരുതരമായി പരിക്കേൽപ്പിക്കുകയും ചെയ്യുകയായിരുന്നു. വിവരമറിഞ്ഞ് രാത്രി എത്തിയ പോലീസ് സംഘത്തിന് നേരെയും പ്രതി ആക്രമണത്തിനും മുതിർന്നു. ഇതേതുടർന്ന് രാത്രി പെട്രോളിയം ഡ്യൂട്ടിയിൽ ഉണ്ടായിരുന്ന ചങ്ങനാശ്ശേരി സ്റ്റേഷൻ ഹൗസ് ഓഫീസർ ഇൻസ്പെക്ടർ റിച്ചാർഡ് വർഗീസിന്റെ നേതൃത്വത്തിൽ കൂടുതൽ പോലീസ് സംഘം സ്ഥലത്ത് എത്തി. തുടർന്ന് പ്രതിയെ കായികമായി കീഴ്പ്പെടുത്തുകയായിരുന്നു.
