കോട്ടയം: പട്ടികജാതി വികസന വകുപ്പിന്റെ കീഴിലുള്ള കുറിച്ചി ഗവ. ഐ.ടി.ഐ.യിൽ നിന്നും കോവിഡ് മഹാമാരിയെ തോല്പിച്ച് 2019 – 21,2020-22 വർഷങ്ങളിൽ ഉന്നത വിജയം കരസ്ഥമാക്കി പാസായാ വിദ്യാർത്ഥികൾക്കുള്ള സർട്ടിഫിക്കറ്റ് വിതരണം നടത്തുകയും വിജയികളെ അനുമോദിക്കുകയും ചെയ്തു. സമ്മേളനത്തിൽ ഐ.ടി.ഐ. പ്രിൻസിപ്പാൾ ആശ ഡി അദ്ധ്യക്ഷത വഹിച്ചു. സമ്മേളനം പട്ടികജാതി വികസന വകുപ്പ് അസിസ്റ്റന്റ് കോട്ടയം ജില്ല ആഫീസർ അജിമോൻ ടി.എസ് ഉദ്ഘാടനം ചെയ്തു. കോട്ടയം ആർ.ഐ സെന്റർ ജൂനിയർ അപ്രന്റിസ്ഷിപ് അഡൈ്വസർ രാജേഷ് വി സ്‌കറിയ മുഖ്യ പ്രഭാഷണം നടത്തി. യോഗത്തിൽ മണി ഇ.കെ. , ചിത്ര മനോഹരൻ, അനു മോൾ, നിലീന, രജനി,ബിജു പി.ആർ., മധു സിജി, അഖിൽ കുമാർ,അനന്ദു തുടങ്ങിയവർ സംസാരിച്ചു.
Advertisements
