കോട്ടയം: കോട്ടയം നഗരത്തിലും അരിക്കൊമ്പൻ ഫാൻസിന്റെ പ്രതിഷേധം. അരിക്കൊമ്പനെ നാട്ടിൽ തിരികെ എത്തിക്കുന്നതിന്റെ ഭാഗമായുള്ള പ്രതിഷേധമാണ് കോട്ടയം ഗാന്ധിസ്‌ക്വയറിൽ അരങ്ങേറുന്നത്. സിനിമാ നിർമ്മാതാവ് സജി നന്ത്യാട്ടിന്റെ നേതൃത്വത്തിലാണ് അരിക്കൊമ്പൻ ഫാൻസ് ഗാന്ധിസ്‌ക്വയറിൽ പ്രതിഷേധം സംഘടിപ്പിക്കുന്നത്. അരിക്കൊമ്പന്റെ ജന്മനാട്ടിലേയ്ക്കുള്ള തിരിച്ച് വരവിനായി കൈകോർക്കുന്നതിനായാണ് അരിക്കൊമ്പൻ ഫാൻസ് ഒന്നിയ്ക്കുന്നത്. അരിക്കൊമ്പന് നീതി വേണമെന്ന ആഗ്രഹിക്കുന്നവർ ഒന്നിക്കുക എന്ന ആശയവുമായാണ് ഈ സംഘടന പ്രവർത്തിക്കുക. ജൂൺ 11 ഞായറാഴ്ച വൈകിട്ട് ആറിന് കോട്ടയം ഗാന്ധിസ്‌ക്വയറിൽ സേവ് അരിക്കൊമ്പൻ ഫോറമാണ് പരിപാടി സംഘടിക്കുന്നത്. വൈകിട്ട് ഗാന്ധിസ്‌ക്വയറിൽ മെഴുകുതിരി കത്തിച്ച് കൊമ്പൻ ഫാൻസ് പ്രതിഷേധം സംഘടിപ്പിക്കും.
Advertisements
