കോട്ടയം: അരിക്കൊമ്പനായി മെഴുകുതിരി തെളിയിച്ച് കോട്ടയത്ത് സേവ് അരിക്കൊമ്പൻ ഫോറത്തിന്റെ പ്രതിഷേധം. അരിക്കൊമ്പനെ നാട്ടിൽ തിരികെ എത്തിക്കണമെന്നാവശ്യപ്പെട്ടാണ് സിനിമാ നിർമ്മാതാവ് സജി നന്ത്യാട്ടിന്റെ നേതൃത്വത്തിൽ അരിക്കൊമ്പൻ ഫാൻസ് ഒത്തു കൂടിയത്. അരിക്കൊമ്പനെ ചിന്നക്കലാലിൽ എത്തിക്കണമെന്നാവശ്യപ്പെട്ട് ഇവരുടെ നേതൃത്വത്തിൽ മെഴുകുതിരി തെളിയിച്ചാണ് കോട്ടയം ഗാന്ധിസ്‌ക്വയറിൽ പ്രതിഷേധം സംഘടിപ്പിച്ചത്.
Advertisements
യോഗത്തിൽ കോട്ടയം , പത്തനംതിട്ട, ഇടുക്കി, കൊല്ലം, എറണാകുളം, കോഴിക്കോട് ജില്ലകളിൽ നിന്നുള്ള നൂറുകണക്കിന് ആളുകൾ പരിപാടികളിൽ പങ്കെടുത്തു. നിർമ്മാതാവ് സജി നന്ത്യാട്ട്, സിറാജ് ലാൽ, ബിജു താനത്ത്, പോൾസൺ പീറ്റർ,വിനോദ് പെരിഞ്ചേരി, ടി.എസ് അൻസാരി, എം.എസ് സാബു എന്നിവർ പ്രതിഷേധ പരിപാടികളിൽ പങ്കെടുത്തു.
