കോട്ടയം:നവംബർ 19ന് ഓൾ ഇന്ത്യ ബാങ്ക് എംപ്ലോയീസ് അസോസിയേഷൻ പ്രഖ്യാപിച്ചിരുന്ന അഖിലേന്ത്യാ ബാങ്ക് പണിമുടക്കിനോടനുബന്ധിച്ച് സമര വിശദീകരണ ജില്ലാ കൺവെൻഷൻ കോട്ടയം ബാങ്ക് എംപ്ലോയീസ് ഹാളിൽ നടന്നു . സി പി ഐ ജില്ലാ സെക്രട്ടറിയും, എ ഐ ടി യു സി സംസ്ഥാന സെക്രട്ടറിയുമായ അഡ്വ. വി ബി ബിനു കൺവൻഷൻ ഉദ്ഘാടനം ചെയ്തു.
എ കെ ബി ഇ എഫ് ജില്ലാ ചെയർമാൻ സന്തോഷ്‌ സെബാസ്റ്റ്യൻ അധ്യക്ഷത വഹിച്ച യോഗത്തിൽ, സംസ്ഥാന ഡെപ്യൂട്ടി ജനറൽ സെക്രട്ടറി എ.സി ജോസഫ് മുഖ്യപ്രഭാഷണം നടത്തി. ജില്ലാ സെക്രട്ടറി ഹരി ശങ്കർ എസ്, യു എഫ് ബി യു ജില്ലാ കൺവീനർ ജോർജി ഫിലിപ്പ്, എ കെ ബി ഇ എഫ് വനിതാ വിഭാഗം ജില്ലാ കൺവീനർ അശ്വതി വി, എ കെ ബി ഇ എഫ് ജില്ലാ അസി. സെക്രട്ടറി അഞ്ജലി എസ്.വി, ജില്ലാ വൈസ് ചെയർമാൻ രാജേഷ് എം, വിജയ് വി ജോർജ് തുടങ്ങിയവർ സംസാരിച്ചു. നവംബർ 18 ന് ജില്ലയിലെ പ്രധാന കേന്ദ്രങ്ങളിൽ പ്രകടനവും, 19 ന് ജില്ലാ ആസ്ഥാനത്തു ധർണയും സംഘടിപ്പിക്കും.
