വൈക്കം: നിയന്ത്രണം വിട്ട ബൈക്ക് മതിലിൽ ഇടിച്ച് ഗുരുതരമായി പരിക്കേറ്റ യുവാവ് മരിച്ചു. ഏനാദി മണപ്പുറത്ത് ബാബുവിൻ്റെ മകൻ അക്ഷയ്ബാബു (25)വാണ് മരിച്ചത്. ഇന്നലെ രാത്രി 12.30 ഓടെ ബ്രഹ്മമംഗലം ഗവൺമെൻ്റ് ആശുപത്രിക്ക് സമീപമായിരുന്നു അപകടം. ഐ ടി ജീവനക്കാരനാണ് യുവാവ്. എറണാകുളത്തു നിന്ന് ജോലി കഴിഞ്ഞ് നീർപ്പാറ വഴി ബൈക്കിൽ വീട്ടിലേക്ക് വരുന്നതിനിടയിൽ ബൈക്ക് നിയന്ത്രണം വിട്ട് മതിലിടിക്കുകയായിരുന്നു.
Advertisements
തലയ്ക്ക് ഗുരുതരമായി പരിക്കേറ്റ യുവാവിനെ ഉടൻ പൊതിയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മാതാവ് ആശ (ചെമ്പ് പഞ്ചായത്ത് എട്ടാം വാർഡ് മെമ്പർ) ഏക മകനാണ്. ഇന്ന് അക്ഷയ് ബാബുവിൻ്റെ പിറന്നാൾ ദിനമായിരുന്നു. മൃതദേഹം പോസ്റ്റ്മോർട്ടത്തിന് ശേഷം വൈകുന്നേരം വീട്ടുവളപ്പിൽ സംസ്കരിക്കും. പോലീസ് മേൽനടപടി സ്വീകരിച്ചു.
