കോട്ടയം: പുതുപ്പള്ളി നിയോജകമണ്ഡലം ഉപതെരഞ്ഞെടുപ്പുമായി ബന്ധപ്പെട്ട് സ്ഥാനാർത്ഥികളുടെ തെരഞ്ഞെടുപ്പ് പ്രചാരണ ചെലവുകളുടെ രണ്ടാംഘട്ട പരിശോധന കളക്ടറേറ്റ് വിപഞ്ചിക ഹാളിൽ പൂർത്തിയായി. ഓഗസ്റ്റ് 25 വരെയുള്ള കണക്കുകളാണ് പരിശോധിച്ചത്.
Advertisements
തെരെഞ്ഞെടുപ്പ് ചെലവ് നിരീക്ഷകൻ ഡി. ലക്ഷ്മികാന്ത, ഫിനാൻസ് നോഡൽ ഓഫീസർ എസ്. ആർ അനിൽകുമാർ, അസിസ്റ്റന്റ് എക്സ്പൻഡിച്ചർ ഓഫീസർ പി.ശ്രീജിത്ത് എന്നിവരുടെ നേതൃത്വത്തിലാണ് വരവു ചെലവു കണക്കുകളുടെ പരിശോധന നടത്തിയത്. എല്ലാ സ്ഥാനാർത്ഥികളുടെയും പ്രതിനിധികൾ പങ്കെടുത്തു. സെപ്റ്റംബർ രണ്ടിന് മൂന്നാം ഘട്ട പരിശോധനകൾ നടക്കും. രാവിലെ 10 മുതൽ വൈകിട്ട് അഞ്ച് വരെയാണ് പരിശോധന നടക്കുക.