കോട്ടയം: കാനഡയിലുണ്ടായ വാഹനാപകടത്തിൽ കോട്ടയം നട്ടാശേരി സ്വദേശിയായ യുവാവ് മരിച്ചു. നട്ടാശേരി വടക്ക് തെക്കുകൂർ കൊട്ടാരത്തിൽ (പടിഞ്ഞാറേക്കെട്ടിൽ) രാജീവ് കിഷോർ മെഹ്ത്തയുടെയും (രാജു), കെ.എസ്.ഇബി ജീവനക്കാരി ചിത്രയുടെയും മകൻ ജുഗൽ കിഷോർ മെഹ്ത്ത (അപ്പു -25) ആണ് മരിച്ചത്. ഇയാൾ സഞ്ചരിച്ച കാർ അപകടത്തിൽപ്പെട്ടാണ് മരണം ഉണ്ടായതെന്നാണ് വിവരം. അപകടത്തിൽ പരിക്കേറ്റ ജുഗലിനെ എയർലിഫ്റ്റ് ചെയ്ത് ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. കാനഡയിൽ വിദ്യാഭ്യാസത്തിന് ഒപ്പം ജോലി കൂടി ചെയ്യുകയായിരുന്നു ജുഗൽ. അപകടത്തിന്റെ കൂടുതൽ വിവരങ്ങൾ ബന്ധുക്കൾക്ക് ലഭിച്ചിട്ടില്ല.
Advertisements
