പുതുപ്പള്ളി: സഹോദയ കോട്ടയം സിബിഎസ്.ഇ എഡ്യുക്കേഷണൽ എക്‌സ് പോ ഇന്നോവിഷൻ 2024 പുതുപ്പള്ളി ഡോൺ ബോസ്‌കോ സെൻട്രൽ സ്‌കൂളിൽ നടന്നു. നവംബർ രണ്ട് ശനിയാഴ്ച രാവിലെ 09.30 ന് ചാണ്ടി ഉമ്മൻ എം.എൽ.എ പ്രദർശനമേള ഉദ്ഘാടനം ചെയ്തു. സഹോദയ കോട്ടയം പ്രസിഡന്റ് ബെന്നി ജോർജ്, സഹോദയ കോട്ടയം ജനറൽ സെക്രട്ടറി കവിത ആർ എന്നിവർ പങ്കെടുത്തു. വിവിധ സ്‌കൂളുകളിൽ നിന്നായി നിരവധി വിദ്യാർത്ഥികൾ പങ്കെടുത്തു. ശാസ്ത്ര സാങ്കേതിക വിദ്യകളുടെ കഴിവുകൾ വിദ്യാർത്ഥികൾക്ക് പ്രദർശിപ്പിക്കാനുള്ള അവസരമാണ് മേളയിൽ അരങ്ങേറിയത്. സമാപന സമ്മേളനത്തിൽ ബാബാ ഓട്ടോമാറ്റിക് റിസർച്ച് സെന്റർ സീനിയർ സയന്റിസ്റ്റും ഐസോടോപ്പ് ഹൈഡ്രോളജിസ്റ്റുമായ പ്രഫ.ബേബിച്ചൻ ജോസഫ് മുഖ്യാതിഥിയായി പങ്കെടുത്തു. സഹോദയ വർക്കിംങ് പ്രസിഡന്റ് ഫാ.തോമസ് പറത്താനം, ഡോൺ ബോസ്‌കോ സ്‌കൂൾ റെക്ടർ ആന്റ് മാനേജർ ഫാ.ദേവസി ചിറയ്ക്കൽ, ഡോൺ ബോസ്‌കോ സെൻട്രൽ സ്‌കൂൾ പ്രിൻസിപ്പൽ ഫാ.ജോഷ് കാഞ്ഞൂപ്പറമ്പിൽ എന്നിവർ ആശംസകൾ അർപ്പിച്ചു സംസാരിച്ചു. കുട്ടികളുടെ ശാസ്ത്ര സാങ്കേതിക പരമായ കഴിവുകളെ പ്രോത്സാഹിപ്പിക്കുന്ന ഈ പ്രദർശന മേളയിൽ ഓവറോൾ വിന്നറായും ബെസ്റ്റ് സ്റ്റാൾ വിന്നറായും കടുത്തുരുത്തി സെന്റ് കുര്യാക്കോസ് പബ്ലിക്ക് സ്‌കൂൾ തിരഞ്ഞെടുക്കപ്പെട്ടു. പള്ളിക്കത്തോട് അരവിന്ദാ വിദ്യാമന്ദിരം ഫസ്റ്റ് റണ്ണറപ്പായും പുതുപ്പള്ളി ഡോൺ ബോസ്‌കോ സെൻട്രൽ സ്‌കൂൾ സെക്കൻഡ് റണ്ണറപ്പായും തിരഞ്ഞെടുക്കപ്പെട്ടു.
സഹോദയ കോട്ടയം സി.ബി.എസ്.ഇ എഡ്യുക്കേഷണൽ എക്‌സ്‌പോ ഇന്നോവിഷൻ 2024 പുതുപ്പള്ളി ഡോൺ ബോസ്‌കോ സ്‌കൂളിൽ നടന്നു
