ചങ്ങനാശേരി: പെരുമ്പനച്ചിയിൽ നിയന്ത്രണം നഷ്ടമായ ഇരുചക്രവാഹനം റോഡ് മുറിച്ചു കടക്കുകയായിരുന്ന കാൽനടയാത്രക്കാരനെ ഇടിച്ചു വീഴ്ത്തി. കാൽനടയാത്രക്കാരനെ ഇടിച്ച ബൈക്ക് എതിർ ദിശയിൽ നിന്നും എത്തിയ കാറിൽ ഇടിച്ചാണ് നിന്നത്. അപകടത്തിൽ സാരമായി പരിക്കേറ്റ പ്രദേശത്തെ വ്യാപാരിയായ കാൽനടയാത്രക്കാരനെ ചെത്തിപ്പുഴയിലെ സ്വകാര്യ ആശുപത്രിയിൽ പ്രവേശിപ്പിച്ചു.
ചൊവ്വാഴ്ച രാത്രി ഒൻപതരയോടെയായിരുന്നു കേസിനാസ്പദമായ സംഭവം. ചങ്ങനാശേരി വാഴൂർ റോഡിൽ പെരുമ്പനച്ചി പെട്രോൾ പമ്പിനു മുന്നിലായിരുന്നു അപകടം ഉണ്ടായത്. തെങ്ങണ ഭാഗത്തു നിന്നും എത്തിയ ബൈക്ക് റോഡ് മുറിച്ചു കടക്കുകയായിരുന്ന കാൽനടയാത്രക്കാരനെ ഇടിച്ചു വീഴ്ത്തുകയായിരുന്നു. ഇടിയുടെ ആഘാതത്തിൽ നിയന്ത്രണം നഷ്ടമായ ബൈക്ക് എതിർ ദിശയിൽ നിന്നും എത്തിയ കാറിൽ ഇടിച്ചു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഇടിയുടെ ആഘാതത്തിൽ റോഡിൽ വീണ് കിടന്ന കാൽനടയാത്രക്കാരനെ നാട്ടുകാർ ചേർന്നാണ് ആശുപത്രിയിൽ എത്തിച്ചത്. അപകടത്തിൽ ബൈക്ക് യാത്രക്കാരനും പരിക്കേറ്റിട്ടുണ്ട്. അപകടത്തെ തുടർന്ന് റോഡിൽ ഗതാഗത തടസവും ഉണ്ടായി.
