പുതുപ്പള്ളി: പുതുപള്ളിയിൽ യുഡിഎഫ് സ്ഥാനാര്‍ത്ഥി ചാണ്ടി ഉമ്മന് സര്‍വ്വകാല റെക്കോര്‍ഡില്‍ വിജയിക്കുമെന്ന് തിരുവഞ്ചൂര്‍ രാധാകൃഷ്ണന്‍. എട്ട് വര്‍ഷമായി കേരളത്തില്‍ നടക്കുന്ന ദുര്‍ഭരണത്തിനെതിരായ ജനവിധിയാണ് പ്രതീക്ഷിക്കുന്നതെന്നും തിരുവഞ്ചൂര്‍ രാധാകൃഷ്ണന്‍ മാധ്യമങ്ങളോട് പറഞ്ഞു.
‘പുതുപ്പള്ളി വിധി സര്‍ക്കാരിന്റെ വിലയിരുത്തലാണെന്ന് സിപിഐഎം സംസ്ഥാന സെക്രട്ടറി എം വി ഗോവിന്ദന്‍ തന്നെയാണ് പറഞ്ഞത്. ആ വെല്ലുവിളി ഞങ്ങള്‍ ഏറ്റെടുക്കുകയായിരുന്നു. ഇത് സര്‍ക്കാരിന്റെ വിലയിരുത്തല്‍ തന്നെയാണ്. തൃക്കാക്കര തിരഞ്ഞെടുപ്പ് സര്‍ക്കാരിന്റെ വിലയിരുത്തലായിരിക്കുമെന്ന് തുടക്കത്തില്‍ എല്‍ഡിഎഫ് പറഞ്ഞു. തോറ്റപ്പോള്‍ ഒന്നും മിണ്ടിയില്ല. പുതുപ്പള്ളിയില്‍ സര്‍വ്വകാല റെക്കോര്‍ഡോടെ ചാണ്ടി ഉമ്മന് ജയിക്കും.’ തിരുവഞ്ചൂര്‍ രാധാകൃഷ്ണന്‍ പറഞ്ഞു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
അതേ സമയം, പുതുപ്പള്ളിയിലെ ജനങ്ങളുടെ പിന്തുണ കിട്ടിയിട്ടുണ്ടെന്നും, വിജയം സുനിശ്ചിതമാണെന്ന് ചാണ്ടി ഉമ്മനും പ്രതികരിച്ചു. അതാണ് റിയാലിറ്റി. ഭൂരിപക്ഷം പ്രവചിക്കുന്നില്ലെന്നും അദ്ദേഹം കൂട്ടിച്ചേര്‍ത്തു. ഉമ്മന്‍ചാണ്ടിയുടെ കല്ലറയിലേക്ക് പോകുന്നതിന് മുമ്പായിരുന്നു പ്രതികരണം.
