കുമരകം. : ചങ്ങാതിക്കൂട്ടം കുടുംബ സംഗമവും പത്താമത് വാർഷികവും കുമരകം എച്ച് എസ് മിനി ഹാളിൽ നടന്നു. ജില്ലാ പഞ്ചായത്ത് പ്രസിഡന്റ് കെ വി ബിന്ദു പൊതുസമ്മേളനം ഉദ്ഘാടനം ചെയ്തു. അഗാപെ ഭിന്നശേഷി വിദ്യാലയത്തിലെ കുട്ടികൾക്ക് പഠനോപകരണം വിതരണം ചെയ്ത് കൊണ്ട് വാർഷിക സമ്മേളന പരിപാടികൾക്ക് തുടക്കം കുറിച്ചു. കുട്ടികളുടെയും മുതിർന്നവരുടെയും വിവിധ കലാ കായിക പരിപാടികൾ സംഘടിപ്പിച്ചു.
ചങ്ങാതിക്കൂട്ടം ബാന്റ് അവതരിപ്പിച്ച ഗാനമേളയും, വിവിധ കലാപരിപാടികളും അരങ്ങേറി. ഉന്നത വിദ്യാഭ്യാസമികവിന് കുട്ടികൾക്ക് അവാർഡുകൾ വിതരണം ചെയ്തു. പുതിയ ഭാരവാഹികളായി സുനിൽ . എസ് (സെക്രട്ടറി ) പ്രവീൺ ജി (പ്രസിഡന്റ്) ബിജു കെ തമ്പി ( ട്രഷറർ) എന്നിവരെ സമ്മേളനം ഐക്യകണ്ഠമായി തീരഞ്ഞെടുത്തു. ചങ്ങാതികൂട്ടം മുൻ പ്രസിഡന്റ് രജ്ജിത്ത് അദ്ധ്യക്ഷത വഹിച്ചു. മുൻ സെക്രട്ടറി കെ ആർ രാജേഷ് സ്വാഗതവും, ട്രഷറർ പി ഡി പ്രമോദ് നന്ദിയും പറഞ്ഞു. സിബി ജോർജ് , നിഫി ജേക്കബ്, സുരേന്ദ്രൻ കെ എന്നിവർ പ്രസംഗിച്ചു.
