ചാന്നാനിക്കാട്: ചാന്നാനിക്കാട് വയോജന വേദിയുടെ ആയുർവേദ മെഡിക്കൽ ക്യാമ്പും ഔഷധക്കഞ്ഞി വിതരണവും ആഗസ്റ്റ് അഞ്ച് തിങ്കളാഴ്‌ച 10 മണിക്ക് പാണ്ഡവർകുളം വയോജന വേദി ഹാളിൽ നടക്കും.
വയോജന വേദി പ്രസിഡന്റ് ഡോ. ടി. എൻ. പരമേശ്വരക്കുറുപ്പിന്റെ അധ്യക്ഷതയിൽ ചേരുന്ന സമ്മേളനം പള്ളം ബ്ലോക്ക്‌ പഞ്ചായത്ത്‌ പ്രസിഡന്റ് പ്രൊഫ. ടോമിച്ചൻ ജോസഫ് ഉദ്ഘാടനം ചെയ്യും. ഔഷധ കഞ്ഞി വിതരണം ജില്ലാ പഞ്ചായത്ത്‌ അംഗം പി. കെ. വൈശാഖ് ഉത്ഘാടനം ചെയ്യും. പള്ളം ബ്ലോക്ക്‌ വൈസ് പ്രസിഡന്റ് രജനി അനിൽ, പഞ്ചായത്ത്‌ മെമ്പർ മാരായ എൻ. കെ. കേശവൻ, ഡോ. ലിജി വിജയകുമാർ വായോജവേദി സെക്രട്ടറി സി. കെ. മോഹനൻ, ജോ. സെക്രട്ടറി ഭുവനേശ്വരിയമ്മ, ട്രഷറർ പി. പി. നാണപ്പൻ തുടങ്ങിയവർ പ്രസംഗിയ്ക്കും.കൂടാതെ കർക്കിടക മാസത്തിലെ ചികിത്സയുടെ പ്രാധാന്യത്തെ സംബന്ധിച്ച് പ്രൈവറ്റ് ആയുർവേദ മെഡിക്കൽ പ്രാക്‌ടീഷണർ അസോസി യേഷന്റെ (പി.എ.എം.പി.എ) സംസ്ഥാന വൈസ് പ്രസിഡൻ്റ് ഡോ. രാമാനുജൻ നായർ ക്ലാസ്സെടുക്കുന്നതുമാണ്.മെഡിക്കൽ ക്യാമ്പിന് ഡോ. രാമാനുജൻ നായർ, ഡോ. വി. വി. ഗോപാല കൃഷ്ണൻ എന്നിവർ നേതൃ ത്വം നൽകും.
