കോട്ടയം : ഭാരത് ജോഡോ യാത്രക്ക് കേരള ജനത നല്കിയ അംഗീകാരം കണ്ട് ബി ജെ പി കേന്ദ്ര നേത്രുത്വവും , സി പി എം കേരള നേത്രുത്വവും വിറളി പൂണ്ടതിന്റെ പരിണിത ഫലമാണ് കഴിഞ്ഞ ദിവസങ്ങളിൽ ഗവർണ്ണറും , സംസ്ഥാന സർക്കാരും തമ്മിലുള്ള വെല്ലുവിളിയെന്ന് കെ പി സി സി ജനറൽ സെക്രട്ടറി ജോസി സെബാസ്റ്റ്യൻ പറഞ്ഞു . ഒരു പ്രത്യേക ഘട്ടമാകുമ്പോൾ ഈ തർക്കം മഞ്ഞുപോലെ ഉരുകും .
ആർ എസ്സ് എസ്സ് മേധാവിയുമായുള്ള ഗവർണ്ണറുടെ കൂടിക്കാഴ്ച്ച ഇൻഡ്യൻ രാഷ്ട്രീയത്തിന്റെ പരിപാവനത തകർത്തതായി ജോസി സെബാസ്റ്റ്യൻ കോട്ടയത്ത് പറഞ്ഞു . ഭരണഘടന പദവിയിലിരിക്കുന്ന ഗവർണ്ണർ ബി ജെ പി സംസ്ഥാന അദ്ധ്യക്ഷ സ്ഥാനം സ്വയം ഏറ്റെടുത്തിരിക്കുകയാണ് . ഗവർണ്ണർ പദവിയോടുള്ള കേരള ജനതയുടെ ബഹുമാനവും , ആദരവും പൂർണ്ണമായും നഷ്ടപ്പെട്ടതായും ജോസി സെബാസ്റ്റ്യൻ പറഞ്ഞു .
Advertisements
