മുടി നരയ്ക്കുന്നത്, പ്രത്യേകിച്ചും അകാലനര പലരേയും അലട്ടുന്ന പ്രധാനപ്പെട്ട പ്രശ്‌നമാണ്. ഇതിന് കാരണങ്ങള്‍ പലതുണ്ടെങ്കിലും പരിഹാരമായി പലരും ഉപയോഗിയ്ക്കുന്നത് കൃത്രിമ ഡൈ പോലുള്ള പരിഹാരവഴികളാണ്. ഇത് ആരോഗ്യത്തിനും ചര്‍മത്തിനും മുടിയ്ക്കുമെല്ലാം ഒരുപോലെ ദോഷകരമാണ്. ഇതിന് പരിഹാരമെന്നത് നാച്വറല്‍, അതായത് പ്രകൃതിദത്തവഴികളാണ്. ഇതെക്കുറിച്ചറിയാം. ഇതിന് നമുക്ക് പരീക്ഷിയ്ക്കാവുന്ന പല വഴികളില്‍ ഒന്നാണ് എണ്ണ. ഒരു പ്രത്യേക രീതിയില്‍ എണ്ണ തയ്യാറാക്കി ഉപയോഗിയ്ക്കാം. ഇതിനായുള്ള പ്രകൃതിദത്ത വഴിയാണ് മഞ്ഞള്‍ എണ്ണ.
ഇതിനായി വേണ്ടത് എള്ളെണ്ണയാണ്. ഒപ്പം മഞ്ഞള്‍പ്പൊടി, വൈറ്റമിന്‍ ഇ ഓയില്‍ എന്നിവയാണ്. എള്ളെണ്ണ മുടിയ്ക്ക് ഏറെ ആരോഗ്യകരമാണ്. നാം പൊതുവേ ഉപയോഗിയ്ക്കാറില്ലെങ്കിലും പല ആയുര്‍വേദ എണ്ണകളുടേയും കൂട്ട് ഇതാണ്. പോഷകങ്ങള്‍ അടങ്ങിയ എള്ളെണ്ണ മുടി വളരാന്‍ മാത്രമല്ല, മുടി നരയ്ക്കാതിരിയ്ക്കാനും മികച്ചതാണ്. നാം വീട്ടില്‍ എണ്ണ കാച്ചുമ്പോള്‍ ഇത് അല്‍പം ചേര്‍ക്കുന്നതോ ഈ എണ്ണ ഉപയോഗിയ്ക്കുന്നതോ ഏറെ നല്ലതുമാണ്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഇതില്‍ ചേര്‍ക്കുന്നത് മഞ്ഞളാണ്. മഞ്ഞള്‍ നാം പൊതുവേ മുടി കളയാനും നിറം വര്‍ദ്ധിയ്ക്കാനും ഉപയോഗിയ്ക്കുന്നതാണെന്നതിനാല്‍ പലര്‍ക്കും ഇത് ഉപയോഗിയ്ക്കാമോ എന്ന തോന്നലുണ്ടാകും. എന്നാല്‍ മഞ്ഞള്‍ മുടിയ്ക്കും നല്ലതാണ്. ഇത് ആന്റിഓക്‌സിഡന്റ് ഗുണങ്ങള്‍ അടങ്ങിയ ഒന്നാണ്. മുടിയില്‍ ഉണ്ടാകുന്ന താരന്‍ പോലുള്ള പല പ്രശ്‌നങ്ങള്‍ക്കും ഇത് നല്ല പരിഹാരമാണ്. ആന്റിഫംഗല്‍, ആന്റിബാക്ടീരിയല്‍ ഗുണങ്ങള്‍ ധാരാളമുള്ളതാണ് മഞ്ഞള്‍.
കൂടാതെ ഇതില്‍ ചേര്‍ക്കുന്ന വൈറ്റമിന്‍ ഇ ഓയിലും മുടിയ്ക്ക് ഏറെ നല്ലതാണ്. മുടിയ്ക്കും ചര്‍മത്തിനുമെല്ലാം വൈറ്റമിന്‍ ഇ ഏറെ പ്രധാനമാണ്. ഇത് ശിരോചര്‍മത്തിന് ഈര്‍പ്പം നല്‍കുന്നു. മുടി വളരാനും മുടി കൊഴിയാതിരിയ്ക്കാനും വൈറ്റമിന്‍ ഇ ഏറെ നല്ലതാണ്. ഇതുപോലെ മുടി നര അകറ്റാനും ഏറെ ഗുണം നല്‍കുന്ന ഒന്നാണ് വൈറ്റമിന്‍ ഇ എന്നത്. ഇതും ഈ പ്രത്യേക ഓയിലില്‍ ചേര്‍ക്കുന്നുണ്ട്ഇതിനായി ഒരു ഇരുമ്പ് ചട്ടി വേണം. ഇതില്‍ ഓയിലും ഡൈയുമെല്ലാം തയ്യാറാക്കുന്നത് ഏറെ നല്ലതാണ്. ഇതിലെ ഇരുമ്പിന്റെ അംശം മുടിയ്ക്ക് ഏറെ ഗുണം നല്‍കുന്നു. ഇതിനായി ഇതിലേയ്ക്ക് എണ്ണയൊഴിയ്ക്കാം. ഇതിലേയ്ക്ക് മഞ്ഞള്‍പ്പൊടി ചേര്‍ക്കാം.
അര ലിറ്റര്‍ എണ്ണയ്ക്ക് ഒന്നോ രണ്ടോ ടേബിള്‍സ്പൂണ്‍ മഞ്ഞള്‍പ്പൊടി മതിയാകും. ഇത് തീ കുറച്ച് വച്ച് നല്ലതുപോലെ തിളപ്പിയ്ക്കണം. ഈ ഓയില്‍ നല്ല കറുത്ത നിറമാകുന്നത് വരെ തിളപ്പിയ്ക്കണം. അതായത് മഞ്ഞള്‍ നല്ലതുപോലെ കറുത്ത് വരും. ഇതിന് ശേഷം ഇത് വാങ്ങി വച്ച് പിറ്റേന്ന് ഇത് ഊറ്റിയെടുക്കാം. ഇതിലേയ്ക്ക് വൈറ്റമിന്‍ ഇ ഓയില്‍ കൂടി ചേര്‍ക്കാം. ഇത് ഒരു ക്യാപ്‌സൂള്‍ മതിയാകും. ഇത് നാം സാധാരണ പുരട്ടുന്ന ഓയിലിന് മുകളിലായി പുരട്ടാം. പിന്നീട് 1 മണിക്കൂര്‍ ശേഷം ഹെര്‍ബല്‍ ഷാംപൂ കൊണ്ട് കഴുകാം.
