കോട്ടയം : കൊല്ലാട് കിഴക്ക്പുറം പാടശേഖരത്തിൽ വലയിടാൻ എത്തവെ കാണാതായ കൊല്ലാട് സ്വദേശിയുടെ മൃതദേഹം പാടശേഖരത്തു നിന്നും കണ്ടെത്തി. മുളമ്പുഴ കരോട്ട് വീട്ടിൽ ദാസപ്പൻ (65) ആണ് മരിച്ചത്. വ്യാഴാഴ്ച വൈകുന്നേരത്തോടെയാണ് ഇദ്ദേഹം വലയിടാനായി പാടശേഖരത്തിൽ എത്തിയത്. വൈകിട്ടോടെ ഇദ്ദേഹം വീട്ടിൽ എത്താതെ വന്നതോടെ വീട്ടുകാരാണ് വിവരം അഗ്നി രക്ഷാ സേനയെ അറിയിച്ചത്. തുടർന്ന് കടവിലെത്തിയ അഗ്നി രക്ഷാസേനാ സംഘം നടത്തിയ തിരച്ചിലിലാണ് മൃതദേഹം കണ്ടെത്തിയത്. മൃതദേഹം കോട്ടയം ജില്ലാ ആശുപത്രിയിലേക്ക് മാറ്റി.
Advertisements
