കോട്ടയം നാട്ടകത്തുണ്ടായ വാഹനാപകടത്തിൽ പരുക്കേറ്റു ചികിത്സയിലായിരുന്ന യുവാവ് മരിച്ചു : മരിച്ചത് കുമരകം സ്വദേശി 

കുമരകം : വാഹനാപകടത്തിൽ പരുക്കേറ്റ് ചികിത്സയിലായിരുന്ന യുവാവ് മരിച്ചു. കുമരകം അട്ടിപീടിക വലിയകുളത്തിനു സമീപം മായിക്കാട് വീട്ടിൽ വി.ആർ സുനിലിന്റെ മകൻ റാം വിനായക് (അച്ചു 21) ആണ് മരിച്ചത്. ഈ മാസം മുന്നിന് നാട്ടകം ഭാഗത്തു വെച്ച് റാം വിനായകും സുഹൃത്തും സഞ്ചരിച്ചിരുന്ന ഡ്യുക്ക് ബൈക്കിൽ കെ.എസ്.ആർ.റ്റി.സി ബസ് ഇടിച്ചുണ്ടായ അപകടത്തിൽ പരുക്കേറ്റു മെഡിക്കൽ കോളേജിൽ ചികിത്സയിലായിരുന്നു യുവാവ്. ഏറ്റുമാനൂർ മംഗളം കോളേജിലെ ബി.കോം വിദ്യാർത്ഥിയാണ് പരേതൻ മാതാവ് രജിനി. സഹോദരൻ നന്ദകിഷോർ. സംസ്ക്കാരം ഞായറാഴ്ച നടത്തും.