ഉണ്ടാക്കി വെച്ച ഭക്ഷണം കൂടുതൽ വന്നാൽ ഫ്രിഡ്ജിൽ വച്ചശേഷം ചൂടാക്കി കഴിക്കുന്നത് പതിവാണ്. എന്നാൽ ഏത് ഭക്ഷണം ചൂടാക്കി കഴിക്കാം ഏതു ഭക്ഷണം അങ്ങനെ കഴിക്കാൻ പാടില്ല എന്നതിനെക്കുറിച്ച് നമുക്ക് വലിയ പിടിയില്ല. വീണ്ടും ചൂടാക്കി ഉപയോഗിയ്ക്കാന്‍ പാടില്ലാത്ത ചില ഭക്ഷണ വസ്തുക്കളെക്കുറിച്ചറിയാം.
അരിയാഹാരം ചൂടാക്കി കഴിയ്ക്കരുത്. പ്രത്യേകിച്ചും ചോറ്. അരിയില്‍ ഒരു ബാക്ടീരിയയുണ്ട്. നാം കഴുകി ചൂടാക്കുമ്പോള്‍ ഇവ നശിച്ചു പോകും. എന്നാല്‍ ഇവ വീണ്ടും ചൂടാക്കുമ്പോള്‍ ഇവയുടെ ടോക്‌സിനുകള്‍ വീണ്ടും ആക്ടീവായി ആരോഗ്യ പ്രശ്‌നങ്ങളുണ്ടാക്കുന്നു. പഴയ ചോറ് ചൂടാക്കിക്കഴിയ്ക്കുമ്പോള്‍ പലര്‍ക്കും വയറിന് പ്രശ്‌നമുണ്ടാകുന്നതിന്റെ പ്രധാന കാരണം ഇതു തന്നെയാണ്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
വീണ്ടും ചൂടാക്കിക്കഴിയ്ക്കരുതാത്ത ഒരു ഭക്ഷണ വസ്തുവാണ് മുട്ട. മുട്ടയില്‍ സ്വാചറേറ്റഡ് ഫാറ്റ്, പ്രോട്ടീനുകള്‍ എന്നിവയുണ്ട്. ഇവ രണ്ടാമതും ചൂടാക്കുമ്പോള്‍ ഇവരുടെ രുചിയിലും രൂപത്തിലും തന്നെ വ്യത്യാസമുണ്ടാകുന്നു. ഇത് കഴിയ്ക്കുമ്പോള്‍ മനംപിരട്ടല്‍ പോലുള്ള പല പ്രശ്‌നങ്ങളുമുണ്ടാക്കുന്നു. ഇതിനാല്‍ മുട്ട പാകം ചെയ്ത് ഉടന്‍ തന്നെ കഴിയ്ക്കുക. മാത്രമല്ല, മുട്ട കേടായി സാല്‍മൊണെല്ല ബാക്ടീരിയ ഉണ്ടാകാനും സാധ്യതയേറെയാണ്.
ഇതില്‍ പ്രധാനപ്പെട്ടതാണ് എണ്ണ. എണ്ണ വീണ്ടും ചൂടാകുമ്പോള്‍ ഹൈഡ്രോജെനേഷന്‍ സംഭവിച്ച് ട്രാന്‍സ്ഫാറ്റായി മാറും. ഇത് കരളിന് ദോഷം വരുത്തുന്നു. രക്തക്കുഴലില്‍ ബ്ലോക്കുണ്ടാക്കാന്‍ ഇത് ഇടയാക്കും. ഹോട്ടല്‍ ഭക്ഷണങ്ങള്‍, പ്രത്യേകിച്ചും വറുത്തതും പൊരിച്ചതുമെല്ലാം കൂടുതല്‍ അപകടമാകുന്നത് ഇതു കൊണ്ടാണ്. ഇവര്‍ ഉപയോഗിച്ച ഓയില്‍ വീണ്ടും വീണ്ടും ചൂടാക്കിയാണ് ഉപയോഗിയ്ക്കുന്നത്.
ഇലക്കറികള്‍ രണ്ടാമതും ചൂടാക്കി ഉപയോഗിയ്ക്കരുത്. ക്യാബേജ്, ചീര, മുരിങ്ങയില, ബ്രൊക്കോളി, കോളിഫ്‌ളവര്‍ എന്നിവ മാത്രമല്ല, ബീന്‍സ്, ക്യാരറ്റ് തുടങ്ങിയ ഭക്ഷണ വസ്തുക്കളും ഇതില്‍ പെടുന്നു. ഇവ വീണ്ടും ചൂടാക്കുമ്പോള്‍ നൈട്രേറ്റുകള്‍ നൈട്രൈറ്റുകളായി മാറുന്നു. ഇവ ഗ്യാസ് പ്രശ്‌നങ്ങളുണ്ടാക്കുന്നു. ഇത് ഏമ്പക്കവും നെഞ്ചെരിച്ചിലുമുണ്ടാക്കുന്നു.
കൂണ്‍ ഫ്രഷ് ആയി മാത്രമേ കഴിയ്ക്കാവൂ. ഇത് ചൂടാക്കിയാല്‍ നൈട്രേറ്റുകള്‍ നൈട്രൈറ്റുകളാകുന്നു. ഇത് കഴിയ്ക്കുമ്പോള്‍ വയറുവേദന, വയറിളക്കം, ഗ്യാസ് തുടങ്ങിയ പല പ്രശ്‌നങ്ങളുമുണ്ടാക്കുന്നു. ഇത് ഫ്രഷ് ആയി തയ്യാറാക്കി ഉടന്‍ തന്നെ കഴിയ്ക്കുന്നതാണ് നല്ലത്. ഇതുപോലെ തന്നെ ഉരുളക്കിഴങ്ങും തണുത്തത് ചൂടാക്കിയാല്‍ ബാക്ടീരിയല്‍ പോയ്‌സനിംഗ് സാധ്യതയുണ്ടാക്കും. ഇത് വയറിന് പ്രശ്‌നങ്ങളുണ്ടാക്കുന്നു. ചിലതിന് ക്ലോസ്ട്രിഡിയം ബാക്ടീരിയല്‍ അണുബാധയുണ്ടാക്കി നെര്‍വ് പ്രശ്‌നങ്ങള്‍ വരെയുണ്ടാക്കാം.
പാകം ചെയ്ത ഭക്ഷണം ബാക്കി വന്നാല്‍ കടുത്ത ചൂട് മാറിയാല്‍ ഉടന്‍ ഫ്രിഡ്ജില്‍ വച്ച് സൂക്ഷിയ്ക്കാം. വല്ലാതെ തണുക്കേണ്ടതില്ല. നല്ലത് പോലെ അടച്ചു വയ്ക്കുക. ഇതുപോലെ ഇത് ഉപയോഗിയ്ക്കുന്നതിന്റെ ഏറെ നേരം മുന്‍പ് എടുത്ത് വയ്ക്കരുത്.
ഇത് പുറത്തെടുത്ത് അധികം സമയം കഴിയും മുന്‍പ് ചൂടാക്കി ഉപയോഗിയ്ക്കാം. കാരണം പുറമേ ഏറെ നേരം വയ്ക്കുമ്പോള്‍ ഇവയിലെ ബാക്ടീരിയ വീണ്ടും ആക്ടീവാകുന്നു. കഴിവതും ഫ്രഷ് ആയവ കഴിയ്ക്കുക. തീരെ നിവൃത്തിയില്ലെങ്കില്‍ മാത്രം ഫ്രിഡ്ജില്‍ വച്ച് മേല്‍പ്പറഞ്ഞ രീതിയില്‍ ഉപയോഗിയ്ക്കാം.
