ഇന്നത്തെ കാലത്ത് പലരേയും അലട്ടുന്ന പ്രശ്‌നങ്ങളില്‍ ഒന്നാണ് ഡ്രൈ ഐ അതായത് കണ്ണിന് വരുന്ന വരള്‍ച്ച. നമ്മുടെ കണ്ണിലുണ്ടാകുന്ന ചൊറിച്ചിലും മണല്‍ത്തരികള്‍ വീണ തോന്നലുമുണ്ടാകുമ്പോള്‍ നാം ഏതെങ്കിലും ഐ ഡ്രോപ് വാങ്ങിയൊഴിയ്ക്കും. ഇത് നിര്‍ത്തിയാല്‍ വീണ്ടും ഇതുണ്ടാകും. ഇന്നത്തെ കാലത്ത് കുട്ടികളില്‍ മുതല്‍ പ്രായമായവരില്‍ വരെ ഇതുണ്ടാകുന്നു. കണ്ണുകൾ ആവശ്യത്തിന് കണ്ണുനീർ ഉത്പാദിപ്പിക്കാത്തപ്പോഴോ കണ്ണുനീരിന്റെ ഗുണനിലവാരം മോശമാകുമ്പോഴോ ഉണ്ടാകുന്ന ഒരു സാധാരണ നേത്രരോഗമാണിത്.
കണ്ണുനീര് ഉല്‍പാദിപ്പിയ്ക്കാന്‍
ഇത് രണ്ടു വിധത്തിലുണ്ടാകുന്നു. കണ്ണിലെ ലാക്രിമല്‍ ഗ്ലാന്റില്‍ നിന്നും കണ്ണുനീരുല്‍പാദിപ്പിച്ച് അത് നോര്‍മലായി പോകുന്നു. എന്നാല്‍ ചിലപ്പോള്‍ ഇതേ രീതിയില്‍ കണ്ണുനീര് ഉല്‍പാദിപ്പിയ്ക്കാന്‍ സാധിയ്ക്കുന്നില്ല. ഇതിന് അക്യൂട്ട് ഡെഫിഷ്യന്‍സി ഡ്രൈ ഐ എന്നാണ് പറയുന്നത്. കണ്ണുനീര് ഗ്രന്ഥിക്കുണ്ടാകുന്ന പ്രശ്‌നമാകും ഇതിന് കാരണം. പ്രത്യേകിച്ചും അല്‍പം പ്രായമാകുമ്പോള്‍. അടുത്തത് ഇവാപ്പറേറ്റീവ് ഡ്രൈ ഐ എന്നതാണ്.
കണ്ണുനീര്
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
അന്തരീക്ഷത്തിലേയ്ക്ക് കണ്ണുനീര് ആവിയായി പോകുന്നു. ഇതിന് കാരണം നാം കണ്ണ് നോര്‍മലായി ചിമ്മാതിരിയ്ക്കുമ്പോഴാണ്. പ്രത്യേകിച്ച് സ്‌ക്രീനില്‍ നോക്കിക്കൊണ്ടിരിയ്ക്കുമ്പോള്‍. സ്‌ക്രീനില്‍ നോക്കുമ്പോള്‍, ഇത് മൊബൈല്‍ ആണെങ്കിലും ലാപ്‌ടോപ്പാണെങ്കിലും ടിവിയാണെങ്കിലും നാം അറിയാതെ തന്നെ കണ്ണ് ചിമ്മാന്‍ മറന്നു പോകും. കണ്ണ് ചിമ്മിത്തുറക്കുമ്പോള്‍ കണ്ണുനീര് സ്വാഭാവികമായി കണ്ണില്‍ പരന്ന് കണ്ണിന് സ്വാഭാവിക ഈര്‍പ്പമുണ്ടാകും. എന്നാല്‍ കണ്ണ് അടയ്ക്കാതിരിയ്ക്കുമ്പോള്‍ ഇതുണ്ടാകുന്നുമില്ല. ഇത് കണ്ണിന് വരള്‍ച്ചയുണ്ടാക്കുന്നു. കണ്ണുനീര് കുറയുന്നു. ഇത് കണ്ണിന് അസ്വസ്ഥതയുണ്ടാക്കുന്നു.
കണ്ണുനീരിന്
കണ്‍പോളകളുടെ ഭാഗത്തായി ചെറിയ സുഷിരങ്ങളുണ്ട്. ഇവയാണ് കണ്ണുനീരിന് ആവശ്യമായ ലിപിഡ് ലെയര്‍ ഉണ്ടാക്കുന്നത്. എന്നാല്‍ നാം അധികം നിലവാരമില്ലാത്ത ഐലൈനര്‍ പോലുള്ളവയും മറ്റും ഉപയോഗിയ്ക്കുമ്പോള്‍ ഈ കണ്ണുനീര് ലെയര്‍ ഉല്‍പാദിപ്പിയ്ക്കപ്പെടുന്നില്ല. ഇത് ഡ്രൈ ഐ കാരണമാകുന്നു. ഇതുപോലെ നേരത്തെ പറഞ്ഞത് പോലെ സ്‌ക്രീനിലേക്ക് നോക്കുന്നത് പ്രധാന പ്രശ്‌നമാണ്. വൈറ്റമിന്‍ എയുടെ കുറവും ഇതിന് കാരണമാകുന്നു.
കണ്ണു ചിമ്മുന്നത് കുറയുമ്പോള്‍
കണ്ണു ചിമ്മുന്നത് കുറയുമ്പോള്‍ ഡ്രൈ ഐ വരുന്നു. കണ്ണിന് ചെറിയ മഞ്ഞനിറം ഉണ്ടാകാം, കണ്ണില്‍ പൊടി പോയത് പോലെ അസ്വസ്ഥതയുണ്ടാകും, ചൊറിച്ചിലുണ്ടാകും, കണ്ണിലെ വശത്തായി ചുവപ്പുണ്ടാകും. കണ്ണിന് പൊതുവേ അസ്വസ്ഥതയുണ്ടാകും എന്നു പറയാം. കണ്ണിന്റെ പ്രശ്‌നം കണ്ടുപിടിയ്ക്കാനുള്ള ചില ടെസ്റ്റുകളുമുണ്ട്. ഒന്ന് ഷിമോസ് ടെസ്റ്റാണ്. ടിബിയുടി എന്ന ടെസ്റ്റുമുണ്ട്. ഇത് കണ്ണുനീര് എത്ര പെട്ടെന്ന് ആവിയായിപ്പോകുന്നു എന്ന് അറിയാന്‍ കഴിയുന്ന ഒന്നാണ്. ഇതുപോലെ കണ്ണട സ്ഥിരമായി ഉപയോഗിയ്ക്കുമ്പോള്‍ പവറിന് വ്യത്യാസം വന്നാലും സ്ഥിരം അതേ കണ്ണട തന്നെ ഉയോഗിയ്ക്കുന്നത് കാരണമാകും. കൃത്യമായ ഇടവേളകളില്‍ കണ്ണ് ടെസ്റ്റ് ചെയ്ത് കൃത്യമായ പവറിലെ ഗ്ലാസ് ഉപയോഗിയ്ക്കുകയെന്നത് ഈ പ്രശ്‌നം വരാതിരിയ്ക്കാന്‍ പ്രധാനമാണ്. ഇതുപോലെ തന്നെ 20 20 20 റൂള്‍ പ്രധാനം. 20 മിനിറ്റ് സ്‌ക്രീന്‍ നോക്കിയാല്‍ 20 അടി ദുരത്തിലേക്കുള്ള വസ്തുവില്‍ വച്ച് 20 തവണ കണ്ണ് അടച്ചുതുറക്കണം.
ഐ ഡ്രോപ്‌സ്
ഡോക്ടറുടെ നിര്‍ദേശപ്രകാരം ഐ ഡ്രോപ്‌സ് ഉപയോഗിയ്ക്കാം. ഇതുപോലെ ആഴ്ചയില്‍ ഒരിക്കല്‍ ഇളനീര്‍ കുഴമ്പൊഴിയ്ക്കുന്നത് നല്ലതാണ്. നല്ല ശുദ്ധമായ അഞ്ജനം തേയ്ക്കുന്നത് നല്ലതാണ്. കറ്റാര്‍വാഴയുടെ ഒരു ഭാഗത്തെ തോല്‍ കളഞ്ഞ് മാംസളമായ ഭാഗം കണ്ണിന് മുകളില്‍ വച്ച് അല്‍പനേരം കെട്ടി വച്ച് ഇരിയ്ക്കുന്നത് നല്ലതാണ്. ഇതുപോലെ 3 ഗ്ലാസ് വെള്ളത്തില്‍ ത്രിഫലചൂര്‍ണം അര ടീസ്പൂണ്‍ ചേര്‍ത്ത് തിളപ്പിച്ച് ഇത് അരിപ്പയില്‍ പഞ്ഞി വച്ച് ഇത് രണ്ടുമൂന്ന് തവണ അരിച്ചെടുത്ത് ഈ വെള്ളം കൊണ്ട് കണ്ണു കഴുകാം. ഫ്രിഡ്ജിലെ വെള്ളം കണ്ണ് കഴുകാന്‍ ഉപയോഗിയ്ക്കരുത്. നല്ലതുപോലെ തിളപ്പിച്ച് ആറിയ വെള്ളം മാത്രം കണ്ണ് കഴുകാന്‍ ഉപയോഗിയ്ക്കുക. കണ്ണിലേക്ക് വല്ലാത്ത ശക്തിയില്‍ വെള്ളം ഒഴിയ്ക്കുന്നതും നല്ലതല്ല. ഇതുപോലെ വൈറ്റമിന്‍ എ കുറവുള്ളവര്‍ ക്യാരറ്റ് പോലെ വൈറ്റമിന്‍ എ സന്വുഷ്ടമായ ഭക്ഷണങ്ങള്‍ കഴിയ്ക്കുന്നത് നല്ലതാണ്.