കോട്ടയം : കേരളം വിദ്യാഭ്യാസം കൊണ്ട് നേട്ടമുണ്ടാക്കിയ സമൂഹമാണെന്ന് തിരുവഞ്ചൂർ രാധാകൃഷ്ണൻ എം.എൽ.എ. കഞ്ഞിക്കുഴി മൗണ്ട് കാർമ്മൽ എ.വി എൽ.പി സ്കൂളിലെ നവതി ആഘോഷങ്ങളുടെ ഭാഗമായി സംഘടിപ്പിച്ച പൂർവ വിദ്യാർത്ഥി സംഗമം ഉദ്ഘാടനം ചെയ്യുകയായിരുന്നു അദേഹം. കേരള സമൂഹത്തിന് അന്നും ഇന്നും സമ്പത്ത് കുറവായിരുന്നു. എന്നാൽ വിദ്യാഭ്യാസമെന്ന സമ്പത്തിലൂടെയാണ് കേരളം ഇന്ന് കാണുന്ന ഈ നേട്ടങ്ങളെല്ലാം ഉണ്ടാക്കിയത്. ഈ നേട്ടങ്ങൾക്കെല്ലാം മൗണ്ട് കാർമ്മൽ എ.വി എൽ പി സ്കൂൾ പോലെയുള്ള നിരവധി സ്കൂളുകളുടെ സംഭാവന ഉണ്ടെന്നും അദ്ദേഹം പറഞ്ഞു.
സിസ്റ്റർ മൃദുൽ യോഗത്തിൽ അധ്യക്ഷത വഹിച്ചു. പൂർവ വിദ്യാർത്ഥിയും സെന്റ് ജോസഫ് ഹയർ സെക്കൻഡറി സ്കൂൾ പ്രിൻസിപ്പലുമായ ദിവ്യ ബിജു ലോഗോ പ്രകാശനം ചെയ്തു. പിടി എ പ്രസിഡന്റ് സിജോ , മുൻ പിടി എ പ്രസിഡന്റ് അഡ്വ. സെബാസ്റ്റ്യൻ , മുൻ അധ്യാപിക ഷീല ജെയിംസ് , പൂർവ വിദ്യാർത്ഥി ശ്രീകല , മുൻ പിടി എ പ്രസിഡന്റ് സുജ സുധീർ , വൈസ് പ്രസിഡന്റ് വീണ ആൻസെൻ എന്നിവർ ആശംസകൾ പങ്കു വച്ചു. സ്റ്റാഫ് പ്രതിനിധി ഇന്ദു നന്ദി പറഞ്ഞു. കഞ്ഞിക്കുഴി മൗണ്ട് കാർമ്മൽ സ്കൂൾ ഹെഡ് മിസ്ട്രസ് ഐവി സ്വാഗതം ആശംസിച്ചു. സ്കൂൾ വിദ്യാർത്ഥികളുടെ വിവിധ കലാപരിപാടികളും യോഗത്തിന്റെ ഭാഗമായി സംഘടിപ്പിച്ചു.
