ഏറ്റുമാനൂർ: മഹാദേവ ക്ഷേത്രത്തിൽ നവരാത്രി ആഘോഷം സെപ്റ്റംബർ 26 മുതൽ ഒക്ടോബർ അഞ്ച് വരെ വിവിധ പരിപാടികളോടെ നടക്കുമെന്ന് ഭാരവാഹികൾ പത്രസമ്മേളനത്തിൽ അറിയിച്ചു. 26-ന് വൈകീട്ട് 6.30 -ന് നവരാത്രി മണ്ഡപത്തിൽ കലാ പരിപാടികളുടെ ഉദ്ഘാടനം മന്ത്രി വി.എൻ. വാസവൻ നിർവഹിക്കും. 10 ദിവസവും വിവിധ കലാ പരിപാടികൾ നടക്കും.
ഒക്ടോബർ അഞ്ചിന് രാവിലെ 7.30 മുതൽ വിദ്യാരംഭം. ദേവസ്വം ബോർഡ് പ്രസിഡന്റ് അഡ്വ.കെ. അനന്ത ഗോപൻ , പ്രെഫ.ആർ. ഹേമന്ത്കുമാർ ,പ്രെഫ.പി.എസ്.ശങ്കരൻ നായർ ,എൻ. ഉണ്ണികൃഷ്ണൻ , ശ്രീകല എന്നിവർ കുട്ടികളെ എഴുത്തിനിരുത്തും.
Advertisements
വൈകീട്ട് 6.30-ന് കഥകളി .
പത്രസമ്മേളനത്തിൽ ദേവസ്വം അഡ്മിനിസ്‌ട്രേറ്റീവ് ഓഫീസർ വി.ആർ. ജ്യോതി, ക്ഷേത്ര ഉപദേശക സമിതി സെക്രട്ടറി കെ.എൻ.ശ്രീകുമാർ , പി.ജി.ബാലകൃഷ്ണപിള്ള , പി.എൻ. രവീന്ദ്രൻ , പ്രംരാജ് എന്നിവർ പങ്കെടുത്തു.
