ഏറ്റുമാനൂർ : ഏറ്റുമാനൂർ തവളക്കുഴിയിൽ നിയന്ത്രണം നഷ്ടമായ കാർ മീൻപെട്ടിയിലേയ്ക്ക് ഇടിച്ചുകയറി. പത്തനംതിട്ട സ്വദേശികളായ സ്ത്രീകൾ സഞ്ചരിച്ചിരുന്ന കാറാണ് നിയന്ത്രം നഷ്ടമായി അപകടത്തിൽപ്പെട്ടത്. തവളക്കുഴിയിൽ പെട്രോൾ പമ്പിന് എതിർവശത്ത് നിയന്ത്രണം വിട്ട കാർ റോഡരികിൽ അടുക്കി വെച്ചിരുന്ന മത്സ്യം കൊണ്ടുവരുന്ന പെട്ടികൾക്കിടയിലേയ്ക് ഇടിച്ചുകയറിയാണ് അപകടം ഉണ്ടായത്.
ഇന്ന് ഉച്ചകഴിഞ്ഞ് രണ്ടരയോടെയാണ് അപകടമുണ്ടായത്. സ്ത്രീകൾ യാത്ര ചെയ്തിരുന്ന കാറാണ് അപകടത്തിൽ പെട്ടത്. റോഡരികിലുണ്ടായിരുന്ന പെട്ടി ഓട്ടോറിക്ഷയിൽ ഇടിച്ചശേഷമാണ് കാർ മീൻ പെട്ടികൾക്കിടയിലേയ്ക് ഇടിച്ചു കയറിയത്. ആർക്കും പരിക്കുകളില്ല.അപകടത്തിൽ പെട്ടി ഓട്ടോറിക്ഷയ്ക്കും ചെറിയ തകരാറുകൾ സംഭവിച്ചിട്ടുണ്ട്. കാർ തിരിച്ചപ്പോൾ, പെട്ടെന്ന് നിയന്ത്രണം തെറ്റിയതാണ് അപകടത്തിന് കാരണമായതെന്ന് കാർ യാത്രക്കാർ പറഞ്ഞു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
പത്തനംതിട്ട സ്വദേശിയുടെ കാറാണ് അപകടത്തിൽ പെട്ടത്. ഇവർ മാന്നാനത്ത് വാടകയ്ക്ക് താമസിക്കുകയാണ്. കാർ ഓടിച്ചിരുന്ന സ്ത്രീ ഉൾപ്പെടെ രണ്ടുപേരാണ് കാറിൽ ഉണ്ടായിരുന്നത്. ഏറ്റുമാനൂർ ഹൈവേ പോലീസും അപകട സ്ഥലത്ത് എത്തിയിരുന്നു.
