ചർമ്മത്തിലെ മിക്ക പ്രശ്നങ്ങൾക്കുമുള്ള പരിഹാരം വീട്ടിലെ അടുക്കളയിൽ തന്നെയുണ്ട്. കരിവാളിപ്പ്, മുഖക്കുരു, കറുത്ത പാടുകൾ, നിറ വ്യത്യാസം അങ്ങനെ സ്ത്രീകൾ നേരിടുന്ന ച‍ർമ്മ പ്രശ്നങ്ങൾ നിരവധിയാണ്. വീട്ടിലെ അടുക്കളയിൽ കയറി വെറുതെ ഒന്ന് നോക്കിയാൽ മതി ച‍ർമ്മത്തിൻ്റെ മിക്ക പ്രശ്നങ്ങളും ഇല്ലാതാക്കാം. മുഖത്തെ കറുത്ത പാടുകളും കരിവാളിപ്പും എളുപ്പത്തിൽ മാറ്റാൻ കടലമാവ് ഉപയോഗിച്ചൊരു പായ്ക്ക് തയാറാക്കാം.
മുടിയ്ക്കും ചർമ്മത്തിനും ഏറെ മികച്ചതാണ് തൈര്. ഇതിൽ അടങ്ങിയിരിക്കുന്ന ലാക്റ്റിക് ആസിഡ് ചർമ്മത്തിൽ അത്ഭുതങ്ങൾ സൃഷ്ടിക്കാൻ സഹായിക്കും. ഹൈപ്പർപിഗ്മൻ്റേഷനും അതുപോലെ പ്രായമാതുന്നതിൻ്റെ ലക്ഷണങ്ങളും തടയാൻ തൈരിന് സാധിക്കും. മുഖക്കുരു മാറ്റാനും ചർമ്മം തിളങ്ങാനും ഏറെ മികച്ചതാണ് തൈര്. കണ്ണിന് താഴെയുള്ള കറുപ്പ് മാറ്റാനും തൈര് ഉപയോഗിക്കാവുന്നതാണ്. ആരോഗ്യത്തിന് മാത്രമല്ല ചർമ്മത്തിനും ധാരാളം ഗുണങ്ങൾ നൽകാൻ തൈരിന് കഴിയും.
തക്കാളി നീര്
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
മുഖത്തെ കരിവാളിപ്പ് മാറ്റിയെടുക്കാൻ ബെസ്റ്റാണ് തക്കാളി നീര്. ചർമ്മത്തെ നന്നായി മോയ്ചറൈസ് ചെയ്യാനും ജലാംശം നിലനിർത്താനും തക്കാളി നീര് ഏറെ സഹായിക്കും. കൂടാതെ ബ്ലാക്ക് ഹെഡ്സ് ഹൈപ്പ‍ർ പിഗ്മൻ്റേഷൻ പോലെയുള്ള പ്രശ്നങ്ങളെ പരിഹരിക്കാനും തക്കാളി നീര് മികച്ചതാണ്. മാത്രമല്ല സൺ ടാൻ മാറ്റാനും തക്കാളി നീര് നല്ലതാണ്. ചർമ്മത്തിലെ കൊളാജൻ ഉത്പ്പാദനം വ‍ർധിപ്പിക്കാനും തക്കാളി നീര് ഏറെ സഹായിക്കും. ഇതിലൂടെ പ്രായമാകുന്നതിൻ്റെ ലക്ഷണങ്ങളും തടയാം.
പായ്ക്ക് തയാറാക്കാൻ
ഇതിനായി ഒരു ചെറിയ ബൗളിലേക്ക് ഒരു ടീസ്പൂണ്‍ കടലമാവ്, ഒരു ടീസ്പൂണ്‍ തക്കാളി നീര് അൽപ്പം തൈര് എന്നിവ ചേർത്ത് മിശ്രിതമാക്കുക. ഈ പായ്ക്ക് മുഖത്ത് തേച്ച് പിടിപ്പിക്കുക. ഇനി ഒരു 15 മിനിറ്റിന് ശേഷം കഴുകി കളയാം. മുഖത്തെ കറുത്ത പാടുകളും കരുവാളിപ്പും അകറ്റാനും ചര്‍മ്മം തിളങ്ങാനും ഈ കടലമാവ് പായ്ക്ക് ഏറെ സഹായിക്കും
