അകത്തളങ്ങളെ ഭംഗിയാക്കുന്നതില്‍ പെയിന്റുകളെ പോലെ നിലത്തെ ടൈലുകള്‍ക്കും വലിയ പങ്കുണ്ട്. ടൈലുകളിലെ നിറം മങ്ങിയാല്‍ വീടിനുള്ളിലും മങ്ങല്‍ അനുഭവപ്പെടും.
അതുകൊണ്ട് തന്നെ എപ്പോഴും ഭംഗിയായി സൂക്ഷിക്കേണ്ട ഒന്നാണ് നിലത്തെ ടൈലുകള്‍. എന്നും ഫ്ലോർ വൃത്തിയാക്കുന്നത് സാധ്യമായ കാര്യമല്ല. അതിനാല്‍ തന്നെ കറകളും അഴുക്കും പറ്റിപ്പിടിച്ചിരിക്കാൻ സാധ്യത വളരെ കൂടുതലാണ്. പലതരത്തിലുള്ള ക്ലീനറുകളാണ് നമ്മള്‍ ടൈല്‍ വൃത്തിയാക്കാൻ തെരഞ്ഞെടുക്കുന്നത്. കൂടുതലും കെമിക്കലുകളാണ് ഉപയോഗിക്കാറുള്ളത്. എന്നാല്‍ നിരന്തരമായി കെമിക്കല്‍ ഉപയോഗിച്ച്‌ വൃത്തിയാക്കിയാല്‍ ടൈലിന്റെ ഗുണമേന്മ നഷ്ടപ്പെടുകയും മങ്ങല്‍ ഉണ്ടാക്കുകയും ചെയ്യുന്നു. നിലത്തെ ടൈല്‍ വൃത്തിയാക്കാൻ ഈ രീതിയില്‍ ചെയ്ത് നോക്കൂ.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
1. ടൈലില്‍ കറയോ പാടോ ഉണ്ടായാല്‍ ഉടൻ തന്നെ അത് വൃത്തിയാക്കാൻ ശ്രദ്ധിക്കണം. അധിക നേരം കറകള്‍ പറ്റിപ്പിടിച്ചിരിക്കുന്നത് പിന്നീട് വൃത്തിയാക്കുന്നത് പ്രയാസമാക്കും.
2. ടൈലുകള്‍ പതിവായി വൃത്തിയാക്കാൻ ശ്രദ്ധിക്കണം. പൊടിപടലങ്ങള്‍ ഉള്ളതുകൊണ്ട് തന്നെ എന്നും വൃത്തിയാക്കുന്നത് ഒരു ശീലമാക്കാം.
3. ടൈലിന് കേടുപാടുകള്‍ ഉണ്ടാക്കാത്ത വസ്തുക്കള്‍ ഉപയോഗിച്ച്‌ വൃത്തിയാക്കാൻ പ്രത്യേകം ശ്രദ്ധിക്കണം. മൃദുവായ തുണിയോ ബ്രഷോ ഉപയോഗിച്ച്‌ വൃത്തിയാക്കാവുന്നതാണ്.
4. ക്ലീനർ ഉപയോഗിക്കുമ്ബോള്‍ നിങ്ങളുടെ ഫ്ലോറിന് ചേരുന്നവ തെരഞ്ഞെടുക്കണം. ഓരോ ക്ലീനറിലും വ്യത്യസ്തമായ കെമിക്കലുകളാണ് അടങ്ങിയിരിക്കുന്നത്. അതുകൊണ്ട് തന്നെ വീര്യം കുറഞ്ഞ ക്ലീനറുകള്‍ തെരഞ്ഞെടുക്കാം.
5. വൃത്തിയാക്കുമ്ബോള്‍ ടൈലിന്റെ ഓരോ വിടവും കഴുകാൻ ശ്രദ്ധിക്കണം. ഗ്രൗട്ട് ലൈനുകളില്‍ അഴുക്കും പൊടിപടലങ്ങളും പറ്റിപ്പിടിച്ചിരിക്കാൻ സാധ്യത കൂടുതലാണ്. അതുകൊണ്ട് തന്നെ ഈ ഭാഗങ്ങള്‍കൂടെ വൃത്തിയാക്കാൻ ശ്രദ്ധിക്കണം.
6. ചൂട് വെള്ളം ഉപയോഗിച്ചും നിലം വൃത്തിയാക്കാൻ സാധിക്കും. ഇത് ടൈലില്‍ പറ്റിപ്പിടിച്ചിരിക്കുന്ന കറകളേയും അഴുക്കിനേയും വേഗത്തില്‍ വൃത്തിയാക്കാൻ സഹായിക്കുന്നു.
7. വിനാഗിരി ഉപയോഗിച്ചും നിലം തുടച്ച്‌ വൃത്തിയാക്കാൻ സാധിക്കും. വിനാഗിരി വെള്ളത്തില്‍ ചേർത്ത് തുടച്ചെടുക്കാവുന്നതാണ്. എന്നാല്‍ മാർബിള്‍ പോലുള്ള ഫ്ലോറില്‍ വിനാഗിരി ഉപയോഗിക്കാൻ പാടില്ല.
8. ബേക്കിംഗ് സോഡ ഉപയോഗിച്ച്‌ ടൈലുകളില്‍ പറ്റിപ്പിടിച്ചിരിക്കുന്ന കറയെ എളുപ്പത്തില്‍ നീക്കം ചെയ്യാൻ സാധിക്കും. ബേക്കിംഗ് സോഡയില്‍ വെള്ളം ചേർത്ത് കുഴമ്ബ് രൂപത്തിലാക്കിയ ശേഷം കറയുള്ള ഭാഗത്ത് തേച്ചുപിടിപ്പിക്കാം. കുറച്ച്‌ നേരം കഴിഞ്ഞ് കഴുകിക്കളയാവുന്നതാണ്.
9. നിലം വൃത്തിയാക്കിയതിന് ശേഷം ഫ്ലോറില്‍ എവിടെയും വെള്ളം അവശേഷിക്കുന്നില്ലെന്ന് ഉറപ്പ് വരുത്തണം. വെള്ളം ഉപയോഗിച്ച്‌ കഴുകിയതിന് ശേഷം വൃത്തിയുള്ള തുണികൊണ്ട് തുടച്ചെടുക്കണം.
