എല്ലാ വീടുകളിലും വളരെ സുലഭമായി ലഭിക്കുന്നതാണ് ഇഞ്ചി. കറികൾക്കും മറ്റും ധാരാളമായി ഉപയോഗിക്കുന്നതാണ് ഇഞ്ചി. രുചിക്ക് മാത്രമല്ല ആരോഗ്യത്തിനും വളരെ നല്ലതാണ് ഇഞ്ചി. പ്രകൃതിദത്തമായ രീതിയിൽ പല രോഗങ്ങൾക്കുമുള്ള പരിഹാരമാണ് ഈ ഇഞ്ചിയെന്ന് പലർക്കുമറിയില്ല. രാവിലെ വെറും വയറ്റിൽ ഇഞ്ചി വെള്ളം കുടിക്കുന്നത് വളറെ നല്ലതാണ്. ശരീരഭാരം കുറയ്ക്കുക, പ്രതിരോധശേഷി വർദ്ധിപ്പിക്കുക, ദഹനം മെച്ചപ്പെടുത്തുക എന്നിവയാണ് ഇഞ്ചിയുടെ ഗുണങ്ങൾ.
ദഹനം മികച്ചതാക്കും
ദഹനത്തിന് ഏറെ നല്ലതാണ് ഇഞ്ചി. വ്യത്യസ്തമായ പല ഗുണങ്ങളുണ്ടെങ്കിലും ദഹന സംബന്ധമായ പ്രശ്നങ്ങൾക്ക് പണ്ട് മുതലെ പലരും ഉപയോഗിക്കുന്നതാണ് ഇഞ്ചി. വയറിൽ നിന്ന് ചെറു കുടലിലേക്ക് ഭക്ഷണത്തെ സഞ്ചരിക്കാൻ അനുവദിക്കുന്നതാണ് ഇഞ്ചി. കൂടാതെ ഗാസ്ട്രിക് പ്രശ്നങ്ങളും വയർ വീർക്കൽ പോലെയുള്ളവയൊക്കെ മാറ്റാനും ഇഞ്ചി സഹായിക്കും. ഇതിൽ അടങ്ങിയിരിക്കുന്ന ജിഞ്ചറോൾ, ഷോഗോൾസ് എന്നീ സംയുക്തങ്ങൾ അടങ്ങിയിട്ടുണ്ട്, അവയ്ക്ക് വിരുദ്ധ ബാഹ്യാവിഷ്ക്കാര ഗുണങ്ങളുണ്ട് ദഹനനാളത്തെ ശമിപ്പിക്കാനും ദഹനക്കേട്, ഓക്കാനം എന്നിവയുടെ ലക്ഷണങ്ങൾ കുറയ്ക്കാനും കഴിയും.
ഭാരം കുറയ്ക്കാൻ
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
അമിതഭാരം കുറയ്ക്കാൻ ആഗ്രഹിക്കുന്നവർ തീർച്ചയായും ഇഞ്ചി വെള്ളം കുടിക്കാവുന്നതാണ്. രാവിലെ വെറും വയറ്റിൽ ഇത് കുടിക്കുന്നത് മെറ്റബോളിസം ശരിയായ രീതിയിൽ തുടങ്ങാനും അമിതവണ്ണം കുറയ്ക്കാനും സഹായിക്കും.വിശപ്പ് കുറയ്ക്കാനും ഇഞ്ചി സഹായിക്കുന്നു. ദിവസം മുഴുവൻ അമിതമായി ഭക്ഷണം കഴിക്കുന്നത് ഇത് തടയും.മെറ്റബോളിസം വർദ്ധിപ്പിക്കുന്നതിനും വിശപ്പ് തടയുന്നതിനുമുള്ള ഈ ഇരട്ട പ്രവർത്തനംശരീരഭാരം കുറയ്ക്കാൻ വളരെയധികം സഹായിക്കുന്നു.
രോഗ പ്രതിരോധ ശേഷി കൂട്ടാൻ
രോഗപ്രതിരോധ ശേഷി കൂട്ടാൻ ഇഞ്ചി വളരെ നല്ലതാണ്. രാവിലെ വെറും വയറ്റിൽ ഇഞ്ചി വെള്ളം കുടിക്കുന്നത് രോഗപ്രതിരോധ ശേഷി വർധിപ്പിക്കും. ഇതിൽ ധാരാളമായി അടങ്ങിയിരിക്കുന്ന ആൻ്റി ഓക്സിഡൻ്റുകൾ ഫ്രീ റാഡിക്കലുകളെ തടഞ്ഞ് ശരീരത്തെ സംരക്ഷിക്കുന്നു. ഇഞ്ചിക്ക് ആൻറി-ഇൻഫ്ലമേറ്ററി ഗുണങ്ങളുണ്ട്, ഇത് അണുബാധയ്ക്കുള്ള സാധ്യത കുറയ്ക്കാനും മൊത്തത്തിൽ രോഗപ്രതിരോധ ആരോഗ്യത്തെ പിന്തുണയ്ക്കാനും സഹായിക്കും. വെറും വയറ്റിൽ ഇഞ്ചി വെള്ളം കുടിക്കുന്നത് ഇവയുടെ ആഗിരണത്തെ പരമാവധിയാക്കാൻ സഹായിക്കുന്നു.
വേദനയും വീക്കവും കുറയ്ക്കും
സന്ധിവാതം ഉൾപ്പെടെയുള്ള പല രോഗങ്ങളിലും വിട്ടുമാറാത്ത വീക്കം ഒരു സാധാരണ ലക്ഷണമാണ്. ഇഞ്ചിയിലെ സജീവ സംയുക്തങ്ങളായ ജിഞ്ചറോളുകൾ, ഷോഗോൾസ് എന്നിവയ്ക്ക് വിരുദ്ധ ബാഹ്യാവിഷ്ക്കാര ഫലങ്ങളുണ്ട്. പേശി വേദനയും കുറയ്ക്കുന്നു, ഇത് കോശജ്വലന അവസ്ഥകൾക്കുള്ള മികച്ച പ്രകൃതിദത്ത പരിഹാരമായി മാറുന്നുണ്ട്.
എങ്ങനെ തയാറാക്കാം
ഇതിനായി ഒരു വലിയ കഷണം ഇഞ്ചി എടുത്ത് ചെറുതായി അരിയുക. ഇനി കുറച്ച് വെള്ളം തിളപ്പിച്ച് അതിലേക്ക് ഇഞ്ചി അരിഞ്ഞത് ചേർക്കുക. അതിന് ശേഷം നന്നായി തിളച്ച് നിറം മാറുന്നത് വരെ വയ്ക്കുക. 10 മുതൽ 15 മിനിറ്റ് ഇത് തിളയ്ക്കണം. അത് കഴിഞ്ഞ് അരിച്ച് എടുത്ത് ഒരു പാത്രത്തിൽ ചൂടാറാൻ വയ്ക്കാം. രാവിലെ വെറും വയറ്റിൽ ഇത് കുടിക്കാവുന്നതാണ്.