മുടി വളരാന്‍ മുടിപ്പുറത്തെ പരീക്ഷണങ്ങളേക്കാള്‍, പോഷകങ്ങളേക്കാള്‍ ഉള്ളിലേയ്ക്ക് കഴിയ്ക്കുന്നവയാണ് ഗുണം നല്‍കുക. മുടിയ്ക്ക് ആവശ്യമായ പോഷകങ്ങള്‍ നല്‍കുന്ന ചില പ്രത്യേക ഭക്ഷണങ്ങളുണ്ട്. ഇതില്‍ ഇലക്കറികള്‍ പ്രധാനമാണ്. ഇലക്കറികളില്‍ തന്നെ മുരിങ്ങയില മുടിയുടെ ആരോഗ്യത്തിനും വളര്‍ച്ചയ്ക്കും ഉത്തമവുമാണ്. മുരിങ്ങയില മാത്രമല്ല, മുരിങ്ങാക്കായും മുരിങ്ങാപ്പൂവുമെല്ലാം ഇതിന് മികച്ചതാണ്.

​മുരിങ്ങ​

മുരിങ്ങയില്‍ പല തരം പോഷകങ്ങള്‍ അടങ്ങിയിട്ടുണ്ട്. ഇതില്‍ അയേണ്‍, വൈറ്റമിനുകള്‍ തുടങ്ങിയ പല പോഷകങ്ങളും അടങ്ങിയിട്ടുണ്ട്. ഇതെല്ലാംതന്നെ മുടിയുടെ ആരോഗ്യത്തിന് ഏറെ ഗുണകരമാണ്. മുരിങ്ങയുടെ ഇല പോലെ തന്നെ മുരിങ്ങാപ്പൂവും മുടിയുടെ ആരോഗ്യത്തിന് ഏറെ മികച്ചതാണ്. മുരിങ്ങാപ്പൂ ഉപയോഗിച്ച് മുടിയുടെ ആരോഗ്യത്തിന് സഹായിക്കുന്ന പ്രത്യേക സൂപ്പ് തയ്യാറാക്കാം. ഇതെക്കുറിച്ചറിയൂ.

​മുരിങ്ങ​

മുരിങ്ങയില പല രീതിയിലും ഉപയോഗിയ്ക്കാം. ഇതില്‍ ഒന്നാണ് പ്രത്യേക രീതിയില്‍ തയ്യാറാക്കുന്ന സൂപ്പ്. ഇതെങ്ങനെ തയ്യാറാക്കാമെന്ന് നോക്കൂ. ഇതിനായി വേണ്ടത് മുരിങ്ങയുടെ പൂവാണ്. മുരിങ്ങയുടെ പൂവിനൊപ്പം ഇഞ്ചി, വെളുത്തുള്ളി, കറുവാപ്പട്ട, കുരുമുളക്, വെളിച്ചെണ്ണ, മഞ്ഞള്‍പ്പൊടി, കോണ്‍ഫ്‌ളോര്‍ എന്നിവയാണ് വേണ്ടത്. ഇത് തയ്യാറാക്കാന്‍ ഏറെ എളുപ്പമാണ്.

​ഇത് തയ്യാറാക്കാന്‍​

ഇത് തയ്യാറാക്കാന്‍ മുരിങ്ങാപ്പൂ വൃത്തിയാക്കി എടുക്കുക. ഒരു പാനില്‍ അല്‍പം വെളിച്ചെണ്ണയൊഴിയ്്ക്കുക. ഇതിലേയ്ക്ക് കറുവാപ്പട്ട, സ്റ്റാര്‍ അനൈസ്, ഗ്രാമ്പൂ എന്നിവയിട്ട് ഇളക്കാം. ഇതിലേയ്ക്ക് വെളുത്തുള്ളി, ഇഞ്ചി എന്നിവ അരിഞ്ഞിടണം. ഇത് നല്ലതുപോലെ മൂത്തു കഴിയുമ്പോള്‍ മുരിങ്ങാപ്പൂ ചേര്‍ത്തിളക്കണം. ഇത് ഒരുവിധം വാടി നിറം മാറുമ്പോള്‍ ഇതിലേയ്ക്ക് വെള്ളമൊഴിയ്ക്കാം. അല്‍പം മഞ്ഞള്‍പ്പൊടിയും ഉപ്പും ചേര്‍ത്തിളക്കാം. ഇത് നല്ലതുപോലെ തിളച്ചു കഴിയുമ്പോള്‍ കോണ്‍ഫ്‌ളോര്‍ വെള്ളതില്‍ കലക്കി ഇതിലേയ്ക്ക് ചേര്‍ത്തിളക്കാം. ഇത് വെന്തു കുറുകി പാകമാകുമ്പോള്‍ ഇതിലേയ്ക്ക് കുരുമുളക് പൊടി കൂടി ചേര്‍ത്തിളക്കി വാങ്ങാം.

​മുടിയുടെ ആരോഗ്യത്തിന്​

മുടിയുടെ ആരോഗ്യത്തിന് മാത്രമല്ല, ശരീരത്തിന്റെ ആകെയുള്ള ആരോഗ്യത്തിന് ഏറെ ഗുണകരമാണ് ഇത്. പ്രോട്ടീനും അയേണും ഉള്‍പ്പെടെയുള്ള പോഷകങ്ങള്‍ ശരീരത്തിന് ലഭ്യമാകുന്നു. രക്തവര്‍ദ്ധനവിനും എല്ലുകളുടെ ബലത്തിനുമെല്ലാം ഇേേതറെ ഗുണകരമാണ്. മുടി കൊഴിച്ചില്‍ ഉള്ളവര്‍ക്ക് ഇത് മാറി മുടി ആരോഗ്യത്തോടെ വളരാന്‍ സഹായിക്കുന്ന ഒന്നു കൂടിയാണ് ഇത്.