കോട്ടയം : എംസി റോഡിൽ നാട്ടകം സിമൻറ് കവലയിൽ നിയന്ത്രണം നഷ്ടമായ ലോറി റോഡരികിലെ കടയിൽ ഇടിച്ചു. ബൈക്കിൽ ഇടിച്ചശേഷം നിയന്ത്രണം നഷ്ടമായ ലോറിയാണ് റോഡരികിലെ കടയിൽ ഇടിച്ചത്. ഞായറാഴ്ച രാവിലെ എട്ടുമണിയോടുകൂടി നാടകം സിമൻറ് കവലയിൽ ആയിരുന്നു അപകടം. കോട്ടയം ഭാഗത്തുനിന്നും ചിങ്ങവനം ഭാഗത്തേക്ക് പോവുകയായിരുന്നു ലോറി. ഈ സമയം പാറച്ചാൽ ഭാഗത്തേക്ക് പോകാനായി എത്തിയ കാർ മുന്നറിയിപ്പില്ലാതെ അതിവേഗം തിരിയുകയായിരുന്നു. ഇത് തുടർന്ന് കാറിൽ ഇടിക്കാതിരിക്കാൻ വെട്ടിച്ചു മാറ്റിയ ലോറി ആദ്യം ബൈക്കിൽ ഇടിയ്ക്കുകയും റോഡിലെ കടയുടെ മേൽക്കൂരയിൽ ഇടിക്കുകയും ചെയ്തു. ലുലു മാൾ നിർമ്മാണത്തിനായി എത്തിയ എറണാകുളം സ്വദേശികളുടെ ബൈക്കാണ് അപകടത്തിൽപ്പെട്ടത്. അപകടത്തിൽപ്പെട്ട ലോറി ചിങ്ങവനം പോലീസ് കസ്റ്റഡിയിലെടുത്തു.
Advertisements
