കോട്ടയം : എച്ച് വി എ സി ആർ എംപ്ലോയീസ് യൂണിയൻ കേരളയുടെ കോട്ടയം ജില്ലാസമ്മേളനം നടത്തി. തെള്ളകം ചൈതന്യ പാസ്റ്ററൽ സെന്ററിൽ യൂണിയൻ ജില്ലാ പ്രസിഡന്റ് സി .റ്റി മാത്യു അദ്ധ്യക്ഷത വഹിച്ചു. യോഗത്തിൽ മുൻ മന്ത്രി മോൻസ് ജോസഫ് എംഎൽഎ സമ്മേളനം ഉദ്ഘാടനവും , ഐഡി കാർഡിൻ്റെയും സ്കോളർഷിപ്പിൻ്റെയും വിതരണവും നിർവഹിച്ചു. ജില്ലാ ലേബർ ആഫീസർ പി. ജി വിനോദ് കുമാർ അംഗങ്ങൾക്കുള്ള ക്ഷേമനിധി വിതരണവും, മുതിർന്ന ടെക്നീഷ്യൻമാരെ ആദരിക്കലും നിർവഹിച്ചു.
സമ്മേളനത്തിൽ ജില്ലാ ജനറൽ സെക്രട്ടറി കെ . പി രാജു സ്വാഗതം ആശംസിക്കുകയും യൂണിയൻ പാലക്കാട്ട് ജില്ലാ ജനറൽ സെക്രട്ടറി വിജയൻ. സി , ആലപ്പുഴ ജില്ലാ ജനറൽ സെക്രട്ടറി എസ്. ഹരികുമാർ, പത്തനംതിട്ട ജില്ലാ പ്രസിഡന്റ് മാത്യു ഈപ്പൻ , കോട്ടയം ജില്ലാ രക്ഷാധികാരി ബിനു ചെങ്ങളം , എ. റ്റി ശശി ആലപ്പുഴ മുതലായ നേതാക്കൻമാർ ആശംസകൾ അർപ്പിച്ചു. ജില്ലാ ട്രഷറർ റ്റി. എസ് ശ്രീനിവാസ് ക്യതജ്ഞത രേഖപ്പെടുത്തി.
