കോട്ടയം: സംസ്ഥാനത്തെ 105 എസ്‌ഐമാർ ഇനി ഇൻസ്‌പെക്ടർമാർ. കോട്ടയം വെസ്റ്റ് എസ്‌ഐ ടി.ശ്രീജിത്തും, വാകത്താനം എസ്.ഐ ടി.എസ് റെനീഷും അടക്കമുള്ളവരെയാണ് ഇൻസ്‌പെക്ടർമാരായി സ്ഥാനക്കയറ്റം നൽകി ഉയർത്തിയത്. കോട്ടയം വെസ്റ്റ് എസ്‌ഐ ആയിരുന്ന ശ്രീജിത്ത് ഇനി കുറവിലങ്ങാട് സ്റ്റേഷനിലെ ഇൻസ്‌പെക്ടർ എസ്.എച്ച്.ഒ ആയി പ്രവർത്തിക്കും.
Advertisements
വാകത്താനം സ്റ്റേഷനിലെ എസ്.ഐ ആയിരുന്ന ടി.എസ് റെനീഷ് ഇനി കിടങ്ങൂരിലെ എസ്.എച്ച്.ഒ ആകും. കോട്ടയം രാമപുരം സ്റ്റേഷനിൽ കെ.അഭിലാഷ് കുമാറാണ് പുതിയ എസ്.എച്ച്.ഒ. അയർക്കുന്നത്ത് പി.ഡി അനൂപ് മോനും, പള്ളിക്കത്തോട് കെ.ബി ഹരികൃഷ്ണനും , തിടനാട്ടിൽ കെ.കെ പ്രശോഭും, വെള്ളൂരിൽ ആർ.രാജേന്ദ്രൻ നായർ, മാഞ്ഞൂരിൽ എ.എസ് അൻസലുമാണ് എസ്.എച്ച്.ഒമാരായി ചുമതലയേറ്റെടുത്തിരിക്കുന്നത്.
