കോട്ടയം : ജാഗ്രത ന്യൂസ് വാർത്ത തുണച്ചു , കോട്ടയം മുലവട്ടത്ത് റോഡിൽ അലഞ്ഞ് തിരിഞ്ഞ നായയെ ഉടമസ്ഥൻ ഏറ്റെടുത്തു. മുൻ പനച്ചിക്കാട് പഞ്ചായത്ത് അംഗമായിരുന്ന ഷിബ ലാലച്ചന്റെ ഉടമസ്ഥതയിലുളളതായിരുന്നു ലാബ്രഡോർ ഇനത്തിലുള്ള നായ. ഈ നായയെ ഇവർ ദിവസങ്ങൾക്ക് മുൻപ് കൊല്ലാട് കോ- ഓപ്പറേറ്റീവ് ബാങ്ക് പ്രസിഡന്റ് സജിനി ലാലിന് കൈമാറി. ഇവിടെ നിന്ന് വീട് വിട്ട് പോയ നായയെ ആണ് കഴിഞ്ഞ ദിവസം മൂലവട്ടം ദിവാൻ പുരം ഭാഗത്ത് അലഞ്ഞു തിരിയുന്ന നിലയിൽ കണ്ടെത്തിയത്. തുടർന്ന് പ്രദേശവാസികൾ അറിയിച്ചതോടെ ജാഗ്രത ന്യൂസ് ലൈവ് വാർത്ത റിപ്പോർട്ട് ചെയ്യുകയായിരുന്നു. ഇതോടെയാണ് നായയെ ഉടമസ്ഥർ തിരിച്ചറിഞ്ഞത്. നായെ ഉടമ ഏറ്റെടുത്തു.
Advertisements
