കടുത്തുരുത്തി : നിയന്ത്രണം വിട്ട കാർ സ്വകാര്യ ബസിലിടിച്ച് കാർ യാത്രികന് പരിക്ക്. ആയാംകുടി പുതുശ്ശേരിക്കര പടിഞ്ഞാറേ കോരോത്ത് അജയ്(25) ക്കാണ് പരിക്കേറ്റത്. പരിക്കേറ്റ അജയിയെ തെള്ളകത്തെ സ്വകാര്യ ആശുപത്രിയിൽ പ്രവേശിപ്പിച്ചു.
Advertisements
ഞായറാഴ്ച രാത്രി 8.15 ഓടെ കോട്ടയം- എറണാകുളം റോഡിൽ ആപ്പാഞ്ചിറ കാർഷികബാങ്കിന് സമീപമാണ് അപകടം. എറണാകുളത്ത് നിന്ന് കോട്ടയത്തേക്ക് വരികയായിരുന്ന സ്വകാര്യ ലിമിറ്റഡ് സ്റ്റോപ്പ് ബസ്സിൽ കടുത്തുരുത്തിയിൽ നിന്ന് തലയോലപറമ്പ് ഭാഗത്തേക്ക് പോകുകയായിരുന്ന കാർ ഇടിക്കുകയായിരുന്നു. കാറിലുണ്ടായിരുന്ന മറ്റ് നാലുപേർ പരിക്കേൽക്കാതെ രക്ഷപെട്ടു. കടുത്തുരുത്തി പോലീസ് മേൽനടപടി സ്വീകരിച്ചു.
