കോട്ടയം: വെസ്റ്റ് പൊലീസ് സ്റ്റേഷനിലെ പോലീസ് ഉദ്യോഗസ്ഥനെ ഏറ്റുമാനൂരിൽ ചവിട്ടിക്കൊന്ന കേസിലെ പ്രതിക്കെതിരെ കാപ്പ ചുമത്തി. നിലവിൽ റിമാൻഡിൽ കഴിയുന്ന പ്രതിയെ കാപാ നിയമപ്രകാരം അറസ്റ്റ് ചെയ്തു കരുതൽ തടങ്കലിൽ ആക്കി. പെരുമ്പായിക്കാട് മാമ്മൂട് ആനിക്കൽ വീട്ടിൽ ജിബിൻ ജോർജിന് (27) എതിയാണ് കാപ്പ ചുമത്തിയത്.
ഗാന്ധിനഗർ പോലീസ് സ്റ്റേഷൻ പരിധിയിലെ താമസക്കാരനും കോട്ടയം വെസ്റ്റ് പോലീസ് സ്റ്റേഷനിലെ പോലീസുദ്യോഗസ്ഥനെ ആക്രമിച്ച് കൊലപ്പെടുത്തിയതുൾപ്പടെ വിവിധ പോലീസ് സ്റ്റേഷനുകളിൽ രജിസ്റ്റർ ചെയ്യപ്പെട്ട കേസുകളിലെ പ്രതിയുമാണ് ഇയാൾ. കോട്ടയം ജില്ലാ പോലീസ് മേധാവിയുടെ റിപ്പോർട്ടിന്റെ അടിസ്ഥാനത്തിൽ കോട്ടയം ജില്ലാ മജിസ്‌ട്രേറ്റ് പുറപ്പെടുവിച്ച ഉത്തരവിൻ പ്രകാരമാണ് കാപ്പാ നിയമ പ്രകാരം കോട്ടയം ജില്ലാ ജയിലിൽ വച്ച് അറസ്റ് ചെയ്ത് വിയ്യൂർ സെൻട്രൽ ജയിലിൽ എത്തിച്ച് കരുതൽ തടങ്കലിൽ ആക്കിയത്.