ഉലുവ നാം പൊതുവേ ഭക്ഷണത്തില്‍ ഉപയോഗിയ്ക്കുന്ന ഒന്നാണ്. ഉലുവ മാത്രമല്ല, ആരോഗ്യപരമായ ഗുണങ്ങള്‍ ഏറെയുള്ള ഒന്നാണ് ഉലുവായിലയും. കേരളീയര്‍ അധികം ഉപയോഗിയ്ക്കാറില്ലെങ്കിലും നോര്‍ത്തിന്ത്യന്‍ പാചകരീതിയില്‍ ഉലുവായില ഉപയോഗിയ്ക്കാറുണ്ട്. പ്രത്യേകിച്ചും ഉണക്കിയ ഉലുവായില. കസൂരി മേത്തി എന്നാണ് ഇത് പൊതുവേ അറിയപ്പെടുന്നത്.

സാധാരണ രുചിയ്ക്കും മണത്തിനുമായാണ് കസൂരി മേത്തി കറികളില്‍ ഉപയോഗിയ്ക്കുന്നതെങ്കിലും ഇതിന് ആരോഗ്യപരമായ ഗുണങ്ങള്‍ ഏറെയുണ്ട്. ഇത് ഹൃദയാരോഗ്യത്തിന് ഏറെ നല്ലതാണ്. വീക്കം കുറയ്ക്കാനും ഇന്‍സുലിന്‍ പ്രവര്‍ത്തനം കൃത്യമായി നടക്കാനും സഹായിക്കുന്ന ഒന്നാണിത്. കാല്‍സ്യം സമ്പുഷ്ടമായ കസൂരി മേത്തി മഗ്നീഷ്യം അടങ്ങിയ ഒന്നാണ്. ഇത് എല്ലുകളുടെ ആരോഗ്യത്തിന് ഏറെ നല്ലതാണ്. കാല്‍സ്യം ശരീരം വലിച്ചെടുക്കാന്‍ മഗ്നീഷ്യം ഏറെ അത്യാവശ്യമാണ്.

തണുപ്പുള്ള കാലാവസ്ഥയില്‍ കഴിയ്ക്കാവുന്ന മികച്ചൊരു ഭക്ഷണ വസ്തുവാണ് ഇത്. ഇത് ശരീരത്തിന് ചൂട് നല്‍കുന്നു. തണുപ്പുകാലത്ത് പലര്‍ക്കും സന്ധിവേദന പതിവാണ്. ഇതിനുള്ള നല്ലൊരു പരിഹാരമാണ് കസൂരി മേത്തി. ഇതുപോലെ ദഹനാരോഗ്യം മെച്ചപ്പെടുത്താന്‍ ഇതേറെ ഗുണകരമാണ്. ദഹനക്കേടിനും വയര്‍ വന്ന് വീര്‍ക്കുന്നതിനും ഇത് നല്ലൊരു പരിഹാരമാണ്. ഇതിലെ നാരുകളാണ് ഈ ഗുണം നല്‍കുന്നത്. തടി കുറയണോ, ബ്രേക്ഫാസ്റ്റില്‍ ഇവ കഴിയ്ക്കൂ.

ഇന്‍സുലിന്‍ പ്രവര്‍ത്തനം കൃത്യമായി നടക്കാന്‍ കസൂരി മേത്തി ഏറെ ഗുണകരമാണ്. ഇത് രക്തത്തിലെ ഷുഗര്‍ തോത് കുറയ്ക്കാന്‍ സഹായിക്കുന്നു. ഇതുപോലെ തടി കുറയ്ക്കാന്‍ ശ്രമിയ്ക്കുന്നവര്‍ക്ക് ആശ്രയിക്കാവുന്ന പ്രധാനപ്പെട്ട ഒരു ഭക്ഷണമാണ് ഇത്. ഇതിലെ നാരുകള്‍ വിശപ്പ് നിയന്ത്രിച്ച് നിര്‍ത്താന്‍ ഏറെ ഗുണകരമാണ്. ഇതില്‍ കലോറി കുറവാണ് അടങ്ങിയിരിയ്ക്കുന്നത്. ഇതെല്ലാം തടി കുറയ്ക്കാന്‍ സഹായിക്കുന്നു. ര്ക്തത്തിലെ ഷുഗര്‍തോത് കുറയ്ക്കുന്നതും തടി കുറയ്ക്കാന്‍ നല്ലതാണ്. ചര്‍മത്തിന്റെ ആരോഗ്യത്തിനും കസൂരി മേത്തി ഏറെ ഗുണകരമാണ്. ഇതില്‍ ധാരാളം ന്യൂട്രിയന്റുകളും ആന്റിഓക്‌സിഡന്റുകളുമല്ലൊം അടങ്ങിയിട്ടുണ്ട്. ഇവ ചര്‍മത്തിന് സ്വാഭാവിക ഈര്‍പ്പം നല്‍കാന്‍ സഹായിക്കുന്നു. ചര്‍മത്തിന് തിളക്കം നല്‍കുന്നു. കഫക്കെട്ട് പോലുള്ള പ്രശ്‌നങ്ങള്‍ക്കും കസൂരി മേത്തി നല്ലൊരു പരിഹാരം തന്നെയാണ്. ഇത് ശ്വസനം സുഖകരമാക്കാന്‍ സഹായിക്കുന്നു. നെഞ്ചിലെ കഫക്കെട്ട് ഒഴിവാക്കുന്നു. ശരീരത്തിന് പ്രതിരോധശേഷി നല്‍കാനും കസൂരി മേത്തി നല്ലതാണ്.