രാമപുരം: പാലാ – തൊടുപുഴ റോഡില്‍ കൊല്ലപ്പള്ളിക്ക് സമീപം കെ.എസ്.ആര്‍.ടി.സി. ബസ് നിര്‍ത്തിയിട്ടിരുന്ന ലോറിയില്‍ ഇടിച്ച് യാത്രക്കാര്‍ക്ക് പരിക്കുപറ്റി. കൊല്ലപ്പിള്ളി വേരംപ്ലാക്കല്‍ മോബിന്‍(37)നെ പരിക്കുകളോടെ പാലായിലെ സ്വാകാര്യ ആശുപത്രിയില്‍ പ്രവേശിപ്പിച്ചു. യാത്രക്കാരായ മറ്റ് 4 പേര്‍ക്ക് നിസാരമായിട്ടാണ് പരിക്ക് പറ്റിയത്.
Advertisements
കണ്ണൂരില്‍ നിന്നും പാലായിലേയ്ക്ക് വരികയായിരുന്നു കെ.എസ്.ആര്‍.ടി.സി. ബസ്. ഡ്രൈവര്‍ ഉറങ്ങി പോയതാണ് അപകടകാരണമെന്ന് യാത്രക്കാര്‍ പറയുന്നു. രാമപുരം പോലീസ് സ്ഥലത്തെത്തി മേല്‍നടപടികള്‍ സ്വീകരിച്ചു. രാത്രിയില്‍ ബസില്‍ യാത്രക്കാര്‍ കുറവായതിനാല്‍ അനിഷ്ട സംഭവങ്ങള്‍ ഒഴിവായി.