കോട്ടയം: കേരള ഗസ്റ്റഡ് ഓഫിസേഴ്‌സ് അസോസിയേഷൻ കോട്ടയം ജില്ലാ കലോത്സവം സെപ്റ്റംബർ 25 ഞായറാഴ്ച കോട്ടയം സി.എം.എസ് കോളേജിൽ നടക്കും. ഞായറാഴ്ച രാവിലെ 10.30ന് സിനിമാ സീരിയൽ താരവും പുരോഗമന കലാസോഹിത്യ സംഘം സംസ്ഥാന കമ്മിറ്റിയംഗവുമായ ഗായത്രി വർഷ സമ്മേളനം ഉദ്ഘാടനം ചെയ്യും. കെ.ജി.ഒ.എ ജില്ലാ പ്രസിഡന്റ് മുഹമ്മദ് ഷെറീഫ് യോഗത്തിൽ അധ്യക്ഷത വഹിക്കും. കെ.ജി.ഒ.എ സംസ്ഥാന സെക്രട്ടറിയേറ്റംഗം ആർ.അർജുനൻപിള്ള, സംസ്ഥാന കമ്മിറ്റിയംഗം കെ.പ്രവീൺ എന്നിവർ ആശംസകൾ അർപ്പിച്ച് സംസാരിക്കും. സ്വാഗത സംഘം ജനറൽ കൺവീനർ കെ.ടി സാജുമോൻ നന്ദി പറയും.
തുടർന്ന് ഗസറ്റഡ് ഓഫിസർമാരുടെ വിവിധ കലാപരിപാടികൾ അരങ്ങേറും. വൈകിട്ട് നാലിനു നടക്കുന്ന സമാപന സമ്മേളനം ഉദ്ഘാടനം ചെയ്യുന്ന കെ.സുരേഷ് കുറുപ്പ് സമ്മാനങ്ങൾ വിതരണം ചെയ്യും. കെ.ജി.ഒ.എ ജില്ലാ പ്രസിഡന്റ് മുഹമ്മദ് ഷെറീഷ് യോഗത്തിൽ അധ്യക്ഷത വഹിക്കും. ജില്ലാ സെക്രട്ടറി ഷാജിമോൻ ജോർജ് സ്വാഗതം ആശംസിക്കും. ജില്ലാ ട്രഷറർ എസ്.ഷൈജു യോഗത്തിന് നന്ദി പറയും.
