കോട്ടയം: നാഗമ്പടത്ത് മീനച്ചിലാറ്റിൽ അജ്ഞാത മൃതദേഹം കണ്ടെത്തി. നാഗമ്പടത്ത് മീനച്ചിലാറ്റിൽ ദർശന അക്കാദമിയ്ക്കു സമീപത്തെ കടവിലാണ് അജ്ഞാത മൃതദേഹം കരയ്ക്കടിഞ്ഞത്. മീനച്ചിലാറ്റിൽ പഴയ പാലത്തിന്റെ തൂണിനു സമീപത്തായാണ് മൃതദേഹം കണ്ടെത്തിയത്. മൃതദേഹം ആറ്റിലൂടെ ഒഴുകി വരുന്നത് കണ്ട നാട്ടുകാർ വിവരം കൺട്രോൾ റൂം പൊലീസിൽ അറിയിക്കുകയായിരുന്നു. തുടർന്നു പൊലീസ് സംഘം സ്ഥലത്ത് എത്തിയ ശേഷം അഗ്നിരക്ഷാ സേനാ അധികൃതരെ വിവരം അറിയിച്ചു. അഗ്നിരക്ഷാ സേനാ സംഘം സ്ഥലത്ത് എത്തിയിട്ടുണ്ട്. മൃതദേഹം പുറത്ത് എത്തിക്കുന്നതിനുള്ള നടപടികളാണ് പൊലീസ് സംഘം ആലോചിക്കുന്നത്. പുറത്ത് എത്തിച്ച ശേഷം മൃതദേഹം കോട്ടയം ജില്ലാ ജനറൽ ആശുപത്രി മോർച്ചറിയിലേയ്‌ക്കോ, കോട്ടയം മെഡിക്കൽ കോളേജ് ആശുപത്രി മോർച്ചറിയിലേയ്‌ക്കോ മാറ്റും.
Advertisements
