വടവാതൂർ: 2025-26 സാമ്പത്തിക വർഷത്തെ വിജയപുരം ഗ്രാമപഞ്ചായത്തിൻ്റെ ബഡ്ജറ്റിൽ ആരോഗ്യ മേഖലയ്ക്കും, കൃഷിക്കും മാലിന്യ സംസ്കരണത്തിനും ഊന്നൽ നൽകുന്നു.
പാറമ്പുഴ പി.എച്ച്.സിക്കും, ആയൂർവേദ ആശുപത്രിക്കും പുതിയ കെട്ടിടങ്ങൾ നിർമ്മിക്കും. നിലവിലുള്ള പാലിയേറ്റീവിനൊപ്പം പുതിയൊരു പാലിയേറ്റീവ് യൂണിറ്റിനും ബഡ്ജറ്റിൽ തുക മാറ്റി വെച്ചു.
കൗമാരക്കാർക്കായി പോഷകാഹാര പദ്ധതി നടപ്പിലാക്കും.
വയോജന ക്കൾക്കായി വയോ ക്ലബ്ബുകൾ രൂപീകരിക്കുകയും കണ്ണടയും, ശ്രവണസഹായിയും നൽകുന്ന പദ്ധതിക്കായും തുക നീക്കിവെച്ചു. വിജയപുരം കൃഷിഭവന് 1.42 കോടി മുടക്കി എം.എൽ എ ഫണ്ട് ഉപയോഗിച്ച് സ്മാർട്ട് കൃഷിഭവൻ നിർമ്മിക്കും.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
കാർഷിക മേഖലയ്ക്ക് കൂടുതൽ സാധ്യതകൾ കണ്ടെത്തുന്നതിനായി നൂതന കൃഷി പ്രോത്സാഹിപ്പിക്കുന്നതിൻ്റെ ഭാഗമായി വിതയ്ക്കലിനും മരുന്ന് തളിക്കലിനുമായി ഡ്രോണുകൾ ഉപയോഗിച്ച് നടപ്പിലാക്കും.
മാലിന്യ മുക്ത നവകേരളത്തിൻ്റെ ഭാഗമായി പുതിയതായി വാങ്ങുന്ന സ്ഥലത്ത് അന്താരാഷ്ട്ര നിലവാരത്തിൽ എം.സി.എഫ് കെട്ടിടം നിർമ്മിക്കും. വാതക ശ്മശാനം ഈ വർഷം തന്നെ പൂർത്തീകരിക്കും. സി.എസ്.ആർ ഫണ്ടുകൾ ഉപയോഗിച്ച് ഓരോ വാർഡിലെയും പ്രധാന റോഡുകൾ സൗന്ദര്യവത്കരിച്ച് മാതൃകാ റോഡുകൾ നിർമ്മിക്കും.
28.10 കോടി വരവും 27.57 കോടി ചിലവും 53 ലക്ഷം മിച്ചവും പ്രതീക്ഷിക്കുന്ന ബഡ്ജറ്റ് വൈസ് പ്രസിഡൻ്റ് രജനി സന്തോഷ് അവതരിപ്പിച്ചു. പഞ്ചായത്ത് പ്രസിഡൻ്റ് വി.റ്റി. സോമൻകുട്ടി അധ്യക്ഷനായിരുന്നു.