കൊമ്പൻ ഉഷശ്രീ ദുർഗാ പ്രസാദ് ചരിഞ്ഞു; ചരിഞ്ഞത് കോട്ടയത്തിന്റെ ആനത്തലയെടുപ്പ്; അന്ത്യം എരണ്ടക്കെട്ടിനെ തുടർന്ന്

ഏറ്റുമാനൂർ: ആനക്കേരളത്തിന്റെ അഭിമാനത്താരമായിരുന്ന കൊമ്പൻ ഉഷശ്രീ ദുർഗാപ്രസാദ് ചരിഞ്ഞു. കേരള എലിഫന്റ് ഓണേഴ്‌സ് ഫെഡറേഷൻ സംസ്ഥാന സെക്രട്ടറി ഏറ്റുമാനൂർ ഉഷശ്രീ വീട്ടിൽ പി.എസ് രവീന്ദ്രനാണ് ഉഷശ്രീ ദുർഗാപ്രസാദിന്റെ ഉടമ. എരണ്ടക്കെട്ടിനെ തുടർന്നു ദിവസങ്ങളോളമായി കൊമ്പൻ ചികിത്സയിലായിരുന്നു. ഇതേ തുടർന്നാണ് ആനയുടെ അന്ത്യം സംഭവിച്ചത്. ഉഷശ്രീ ദുർഗാപ്രസാദിനെ കൂടാതെ ഉഷശ്രീ ശങ്കരൻകുട്ടി എന്നീ കൊമ്പന്മാരാണ് ഉഷശ്രീ ഗ്രൂപ്പിനുള്ളത്.