സി.പി.എം. വിവാദങ്ങൾ സൃഷ്ടിക്കുന്നത് ആരോപണങ്ങളിൽ നിന്നും ശ്രദ്ധ തിരിച്ചുവിടാൻ: തിരുവഞ്ചൂർ രാധാകൃഷ്ണൻ

കോട്ടയം :സംസ്ഥാന സർക്കാരിനും, മുഖ്യമന്ത്രി പിണറായി വിജയനും , മകൾ വീണാ വിജയനും , സി പി എം മുൻ മന്ത്രിമാർക്കെതിരെയും സ്വപ്നാ സുരേഷ് ഉന്നയിച്ചിരിക്കുന്ന അരോപണങ്ങളിൽ നിന്നും ശ്രദ്ധ തിരിച്ചുവിടാനായി സി.പി.എം. തയ്യാറാക്കിയ തിരക്കഥയുടെ അടിസ്ഥാനത്തിലാണ് ഗവർണറുമായുള്ള ശിത യുദ്ധം നടക്കുന്നതെന്ന് തിരുവഞ്ചൂർ രാധാകൃഷ്ണൻ എം എൽ എ പറഞ്ഞു.

വിലക്കയറ്റവും, കാർഷികവിളകളുടെ വില തകർച്ചയും , അഴിമതിയും , സ്ത്രി പിട നങ്ങളും മൂലം കേരളത്തിൽ അരാജകത്വം സ്യഷ്ടിച്ചിരിക്കുകയാണെന്നും തിരുവഞ്ചൂർ ആരോപിച്ചു. യുഡിഎഫ് കോട്ടയം നിയോജകമണ്ഡലം നേതൃ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

യുഡിഎഫ് കോട്ടയം നിയോജകമണ്ഡലം കൺവീനർ സിബി കൊല്ലാട്ട് അധ്യക്ഷത വഹിച്ചു. യുഡിഎഫ് കോട്ടയം ജില്ല ചെയർമാൻ സജി മത്തക്കടമ്പിൽ ,ജില്ലാ കൺവീനർ ഫിൽസൺ മാത്യൂസ് , ജില്ല സെക്രട്ടറി അസീസ് ബഡായി , കെപിസിസി സെക്രട്ടറി പി എ സലിം, കുഞ്ഞ് ഇല്ലംപള്ളിൽ, പ്രിൻസ് ലൂക്കോസ്, പി ആർ സോനാ , റ്റി.സി അരുൺ, യൂജിൻ തോമസ്, കെ.വി ഭാസി, കുര്യൻ പി കുര്യൻ, എസ് രാജീവ്, റ്റി.സി.റോയി , ജോയി ചെട്ടി ശേരിൽ തുടങ്ങിയവർ പ്രസംഗിച്ചു.