കോട്ടയം: ചിങ്ങവനം – കോട്ടയം റൂട്ടിൽ റെയിൽവേ ട്രാക്കിലെ കലുങ്കിൽ അഞ്ജാതനെ തൂങ്ങി മരിച്ച നിലയിൽ കണ്ടെത്തി. ചാന്നാനിക്കാട് റെയിൽവേ മേൽപ്പാലത്തിനും പൂവൻതുരുത്ത് മേൽപ്പാലത്തിനും ഇടയിലെ കലുങ്കിന് അടിയിലാണ് മൃതദേഹം കണ്ടെത്തിയത്. ഇത് വഴി നടന്ന് പോയ നാട്ടുകാരാണ് മൃതദേഹം കണ്ടെത്തിയത്. തുടർന്ന് വിവരം ചിങ്ങവനം പൊലീസിൽ വിവരം അറിയിച്ചത്. തുടർന്ന് , പോലീസ് സംഘം സ്ഥലത്ത് എത്തി കെട്ട് അഴിച്ച് മൃതദേഹം താഴെ ഇറക്കി. ഇൻക്വസ്റ്റ് അടക്കമുള്ള നടപടികൾ പോലീസ് സംഘം പൂർത്തിയാക്കി മൃതദേഹം സ്ഥലത്ത് നിന്ന് മാറ്റി. സ്ഥലത്ത് നിന്ന് ഒരു ജോഡി ചെരുപ്പും കണ്ടെത്തിയിട്ടുണ്ട്. കായംകുളം – കോട്ടയം റൂട്ടിലെ ട്രെയിൻ ടിക്കറ്റും സംഭവ സ്ഥലത്ത് നിന്ന് കണ്ടെത്തി.
Advertisements
