കോട്ടയം : നഗരമധ്യത്തിൽ ടി ബി റോഡിൽ രണ്ട് മാസത്തിലേറെയായി ഉപേക്ഷിക്കപ്പെട്ട നിലയിൽ ആക്ടീവ സ്കൂട്ടർ. KL 27 4981 എന്ന നമ്പറിലുള്ള സ്കൂട്ടറാണ് കോട്ടയം നഗര മധ്യത്തിൽ ടിവി റോഡിൽ ഫെഡറൽ ബാങ്കിന് എതിർവശത്തായി ഉപേക്ഷിക്കപ്പെട്ട നിലയിൽ കണ്ടെത്തിയിരിക്കുന്നത്. രണ്ടുമാസത്തിലേറെയായി ഈ സ്കൂട്ടർ ടിബി റോഡിന്റെ പലസ്ഥലങ്ങളിലും മാറി മാറി പാർക്ക് ചെയ്ത നിലയിൽ വ്യാപാരികൾ കണ്ടിരുന്നു. ഓരോ സ്ഥലങ്ങളിലും ഗതാഗത തടസ്സം ഉണ്ടാകുമ്പോൾ സ്കൂട്ടർ മറ്റൊരു ഇടത്തേക്ക് വ്യാപാരികളും യാത്രക്കാരും തന്നെ മാറ്റിവയ്ക്കുന്നതാണ് രീതി. നിരവധി തവണ പോലീസിനെ അറിയിച്ചിട്ടും സ്കൂട്ടറിന്റെ ഉടമയെ കണ്ടെത്താൻ വേണ്ട നടപടികൾ സ്വീകരിച്ചിട്ടില്ലെന്ന് നാട്ടുകാർക്ക് ആരോപണമുണ്ട്. മോഷ്ടിക്കപ്പെട്ട സ്കൂട്ടർ ഇന്ധനം തീർന്നശേഷം റോഡിൽ ഉപേക്ഷിച്ചതാണോ എന്നും വ്യാപാരികൾ സംശയിക്കുന്നു. സ്കൂട്ടറിന്റെ ഉടമയെ കണ്ടെത്താൻ വേണ്ട നടപടികൾ സ്വീകരിക്കണമെന്നാണ് നാട്ടുകാരുടെയും വ്യാപാരികളുടെയും ആവശ്യം.
