കോട്ടയം : സംക്രാന്തിയിൽ കയറുന്നതിനിടെ മുന്നോട്ടു എടുത്ത സ്വകാര്യബസ്സിൽ നിന്ന് വീണ് വീട്ടമ്മയ്ക്ക് പരിക്ക്. ബസ് റോഡിൽ ഉപേക്ഷിച്ച ശേഷം ഡ്രൈവർ ഓടി രക്ഷപെട്ടു. ഇന്ന് വൈകിട്ട് ആറ് മണിയോടെ ആയിരുന്നു അപകടം. കോട്ടയം ഭാഗത്തേയ്ക്ക് പോകുകയായിരുന്ന ബസിൽ കയറാൻ ശ്രമിക്കുന്നതിനിടെ ബസ് പെട്ടന്ന് മുന്നോട്ട് എടുക്കുകയായിരുന്നു. റോഡിൽ വീണ വീട്ടമ്മയുടെ കാലിലൂടെ ബസ് കയറുകയായിരുന്നു. യാത്രക്കാരും നാട്ടുകാരും ബഹളം വച്ചതോടെ ബസ് നിർത്തിയ ശേഷം ഡ്രൈവർ ഓടി രക്ഷപെട്ടു. ഓടിക്കൂടിയ നാട്ടുകാർ ചേർന്ന് പരിക്കേറ്റ വീട്ടമ്മയെ കോട്ടയം മെഡിക്കൽ കോളജ് ആശുപത്രിയിൽ എത്തിച്ചു. അപകടത്തെ തുടർന്ന് റോഡിൽ വൻ ഗതാഗതക്കുരുക്കും ഉണ്ടായി. പൊലീസ് ഡ്രൈവർ എത്തിയാണ് വാഹനം റോഡിന് നടുവിൽ നിന്ന് മാറ്റി ഇട്ടത്. ഗാന്ധിനഗർ സ്റ്റേഷൻ ഹൗസ് ഓഫിസർ ഇൻസ്പെക്ടർ ടി. ശ്രീജിത്തിൻ്റെ നേതൃത്വത്തിലുള്ള സംഘം സ്ഥലത്ത് എത്തിയിട്ടുണ്ട്.
കോട്ടയം സംക്രാന്തിയിൽ കയറുന്നതിനിടെ മുന്നോട്ടു എടുത്ത സ്വകാര്യബസ്സിൽ നിന്ന് വീണ് വീട്ടമ്മയ്ക്ക് പരിക്ക് : ബസ് റോഡിൽ ഉപേക്ഷിച്ച ശേഷം ഡ്രൈവർ ഓടി രക്ഷപെട്ടു
