കോട്ടയം: മൂലവട്ടം ദിവാൻപുരത്ത് നടുറോഡിൽ പെരുമ്പാമ്പ്. റോഡിലെ ഗതാഗതം തടസപ്പെടത്തി ഇഴഞ്ഞെത്തിയ പെരുമ്പാമ്പിനെ നാട്ടുകാർ പിടികൂടി. തുടർന്ന്, നാട്ടുകാർ ചേർന്ന് പാമ്പിനെ ചാക്കിലാക്കി വനം വകുപ്പിന് കൈമാറി. ബുധനാഴ്ച രാത്രി 10.15 ഓടെയായിരുന്നു സംഭവം. ദിവാൻപുരം കടുവാക്കുളം റോഡിൽ റോഡ് മുറിച്ച് കടക്കുകയായിരുന്നു പെരുമ്പാമ്പ്. ഈ സമയം ഇതുവഴി എത്തിയ ബൈക്ക് യാത്രക്കാരാണ് നടുറോഡിൽ പാമ്പിനെ കണ്ടത്. പിന്നീട്, പാമ്പ് റോഡരികിലേയ്ക്ക് ഇഴഞ്ഞു പോകുകയും ചെയ്തു. സ്‌കൂളുകൾ അടക്കം പ്രദേശത്ത് ഉണ്ടായിരുന്നതിനാൽ നാട്ടുകാർ ഭീതിയിലായി. തുടർന്ന്, നാട്ടുകാർ ചേർന്ന് പാമ്പിനെ പിടികൂടി. പിന്നീട് വനം വകുപ്പിനെ വിളിച്ച് വരുത്തി പാമ്പിനെ കൈമാറി.
Advertisements
