കോട്ടയം: ചുങ്കം പാലത്തിൽ നിന്നും ഉച്ചയോടെ മീനച്ചിലാറ്റിൽ ചാടിയ ആളുടേത് എന്ന് സംശയിക്കുന്ന മൃതദേഹം കരയ്ക്കടിഞ്ഞു. ആലുമ്മൂട് കവലയിലാണ് അജ്ഞാത മൃതദേഹം മീനച്ചിലാറ്റിൽ കരയ്ക്കടിഞ്ഞത്. ആറ്റിലൂടെ മൃതദേഹം ഒഴുകി നടക്കുന്നത് കണ്ട് അഗ്നിരക്ഷാ സേനാ സംഘം സ്ഥലത്ത് എത്തി മൃതദേഹം കരയ്ക്ക് എടുത്തു. തിങ്കളാഴ്ച ഉച്ചയ്ക്ക് 3.15 ഓടെയാണ് മീനച്ചിലാറ്റിൽ ചുങ്കത്ത് ഒരാൾ ആറ്റിൽ ചാടിയത്. ഇയാൾ ചാടിയതിന് പിന്നാലെ അഗ്നിരക്ഷാ സേനാ സംഘവും കോട്ടയം വെസ്റ്റ് പൊലീസും ചേർന്ന് ഇയാൾക്കായി തിരച്ചിൽ നടത്തിയിരുന്നു. ഒരു മണിക്കൂറോളം പ്രദേശത്ത് തിരച്ചിൽ നടത്തിയെങ്കിലും ഇയാളെ കണ്ടെത്താൻ സാധിച്ചിരുന്നില്ല. ഇതിന് ശേഷമാണ് വൈകിട്ട് അഞ്ചരയോടെ താഴത്തങ്ങാടി ആലുമ്മൂട് ഭാഗത്ത് മൃതദേഹം കണ്ടെത്തിയത്.
Advertisements
