കോട്ടയം : കോടിമത വെസ്റ്റ് പോലീസ് സ്റ്റേഷനു പുറകിൽ ചൂണ്ടയിടാൻ എത്തിയ ആളെ ആറ്റിൽ വീണ് കാണാതായി. ബുധനാഴ്ച വൈകിട്ട് ആറുമണിയോട് കൂടിയാണ് ആറ്റിൽ ചൂണ്ടയിടാൻ ഇറങ്ങിയ ആളെ കാണാതായത്. ഉച്ചമുതൽ ഇദ്ദേഹം ചൂണ്ടയിടുന്നതിനായി ആറിന്റെ പരിസരത്തുണ്ടായിരുന്നു. ചൂണ്ട ഇടുന്നതിനിടെ കൊളുത്ത് എവിടെയോ ഉടക്കിയതായി സംശയത്തെ തുടർന്ന് ഇദേഹം ആറ്റിൽ ഇറങ്ങുകയായിരുന്നു. അല്പസമയത്തിനു ശേഷവും അദ്ദേഹത്തെ കാണാതെ വന്നതോടെ ഒപ്പം ചൂണ്ടയിടാൻ എത്തിയ ആളുകൾ വിവരം അഗ്നി രക്ഷാസേനയെ അറിയിച്ചു. കോട്ടയം അഗ്നിരക്ഷാസേന യൂണിറ്റ് സംഘം സ്ഥലത്തെത്തി തിരച്ചിൽ ആരംഭിച്ചു.
Advertisements
