കോട്ടയം പാമ്പാടിയിൽ ലോറിയുടെ പേരിൽ തട്ടിപ്പ് : ഒളിവിലായിരുന്ന രണ്ട് പ്രതികൾ കൂടി പിടിയിൽ

കോട്ടയം : കോട്ടയം പാമ്പാടിയിൽ ലോറിയും പേരിൽ തട്ടിപ്പ് നടത്തിയ കേസിൽ ഒളിവിൽ കഴിഞ്ഞിരുന്ന രണ്ട് പ്രതികൾ കൂടി പിടിയിൽ. കേസിലെ പ്രതികളായ പൊൻകുന്നം ചിറക്കടവ് കണ്ണുംപറമ്പിൽ വീട്ടിൽ കെ. എ ഷാനവാസ് (41) , തമിഴ്നാട് തിരുനൽവേലി കതിരവൻ നഗർ തിരുമലൈ പി (40) എന്നിവരെ ആണ് എന്നിവരെയാണ്
പൊൻകുന്നത്തുനിന്നും തിരുനൽവേലിയിൽ നിന്നുമായി പാമ്പാടി പോലീസ് അറസ്റ്റ് ചെയ്തത്.

കേസിലെ ഒന്നാംപ്രതി സന്തോഷ് കുമാരനെ അറസ്റ്റ് ചെയ്തതറിഞ്ഞ് മറ്റ് രണ്ട് പ്രതികളും ഒളിവിൽ പോയിരുന്നു. പെരുമ്പാവൂർ ഉള്ള ക്രഷറിൽ ഓടിച്ച് ലോറിയുടെ സിസി തവണകളും ടെസ്റ്റിംഗ് ജോലികളും നടത്താമെന്ന് വിശ്വസിപ്പിക്കാണ് പ്രതികൾ ലോറി തട്ടി എടുത്തത്. പ്രതികൾ അനുപിന്റെ കൂരോപ്പട കോത്തല ഭാഗത്തുള്ള വീടിന്റെ സമീപത്തു നിന്നും കൊണ്ടുപോയ ശേഷം ഈ വാഹനത്തിന്റെ മാസത്തവണകൾ അടയ്ക്കാതെ ടെസ്റ്റിംഗ് നടപടികൾ ചെയ്യാതെയും വാഹനം തിരികെ നൽകാതെയും തട്ടിപ്പ് നടത്തുകയായിരുന്നു.

കാഞ്ഞിരപ്പള്ളി ഡി വൈ എസ് പി സാജു വർഗീസിൻ്റെ നിർദ്ദേശാനുസരണം പാമ്പാടി സ്റ്റേഷൻ ഹൗസ് ഓഫിസർ ഇൻസ്പക്ടർ റിച്ചാർഡ് വർഗീസ് , എസ് ഐ പി ബി ഉദയകുമാർ , സീനിയർ സിവിൽ പൊലീസ് ഓഫിസർമാരായ സുമിത്ത് മാക്മില്ലൻ , നിഖിൽ , സിവിൽ പൊലീസ് ഓഫിസർ ശ്രീജിത്ത് രാജ്, പി എസ് ശ്രീകാന്ത് എന്നിവരുടെ സംഘമാണ് പ്രതികളെ പിടികൂടിയത്.

കേരളത്തിലെ വിവിധ സ്റ്റേഷനുകളിൽ പുരാവസ്തു തട്ടിപ്പ് വാഹന തട്ടിപ്പ് കേസുകൾ അടക്കം 14 ഓളം കേസുകളിൽ പ്രതിയായിട്ടുള്ളതും ഒളിവിൽ കഴിഞ്ഞു വന്നിരുന്നതുമായ ഒന്നാം പ്രതി സന്തോഷ്‌ കുമാരനെ (51) കഴിഞ്ഞ ദിവസം അറസ്റ്റ് ചെയ്തിരുന്നു. ഇയാൾ നിലവിൽ റിമാൻഡിൽ കഴിയുകയാണ്. ഇന്ന് അറസ്റ്റ് ചെയ്ത് കോടതിയിൽ ഹാജരാക്കിയ ഷാനവാസ്, തിരുമല, എന്നിവരെ കോടതി റിമാൻഡ് ചെയ്തു.