കോട്ടയം പാറമ്പുഴ അയ്മനത്ത്ചിറയിൽ റോഡിൽ മരംവീണു; റോഡിന് കുറുകെ ആഞ്ഞിലി വീണ് ഗതാഗതം തടസപ്പെട്ടു

കോട്ടയം: പാറമ്പുഴ അയ്മനത്ത് ചിറയിൽ റോഡിൽ മരം വീണ് ഗതാഗതം തടസപ്പെട്ടു. കഞ്ഞിക്കുഴി തിരുവഞ്ചൂർ റോഡിൽ ഇറഞ്ഞാൽ – പാറമ്പുഴ ഭാഗത്താണ് റോഡിൽ ആഞ്ഞിലിമരം വീണത്. വെള്ളിയാഴ്ച രാവിലെ 10 മണിയോട് കൂടിയായിരുന്നു സംഭവം. റോഡരികിൽ നിന്ന മരം കടപുഴകി റോഡിനു കുറുകെ വീഴുകയായിരുന്നു. നാട്ടുകാർ വിവരം അറിയിച്ചതോടെ അഗ്നിരക്ഷാ സേനാ സംഘം സ്ഥലത്ത് എത്തി മരം വെട്ടിമാറ്റി.