കോട്ടയം : നഗരസഭയിലെ പെൻഷൻ തട്ടിപ്പ് പ്രതി അഖിൽ സി വർഗീസ് സ്ഥലം മാറ്റ പട്ടികയിൽ ഇടം പിടിച്ചു. ഒളിവിൽ കഴിയുന്നതിനിടെയാണ് ഇയാളുടെ പേര് സ്ഥലംമാറ്റ പട്ടികയിൽ ഉൾപ്പെട്ടത്. ഒളിവിൽ തുടരുന്നതിനിടെയാണ് തദ്ദേശ ജോയിൻ്റ് ഡയറക്ടർ പുറത്തിറക്കിയ പട്ടികയിൽ അഖിൽ ഉൾപ്പെട്ടത്. എൽ എസ് ജി ഡി ജോയിൻ്റ് ഡയറക്ടറുടെ ഉത്തരവിൻ്റെ പകർപ്പ് പുറത്ത്. ആറ് മാസത്തേയ്ക്ക് സസ്പെൻഡ് ചെയ്യപ്പെട്ട അഖിലിൻ്റെ സസ്പെൻഷൻ കാലയളവും കഴിഞ്ഞിട്ടില്ല. 2.39 കോടി തട്ടിയ ഇയാളെ പിടികൂടാൻ സാധിക്കാത്തിനെ തുടർന്ന് ക്രൈം ബ്രാഞ്ച് ലുക്ക് ഔട്ട് നോട്ടീസുംപുറപ്പെടുവിച്ചിരുന്നു. ഇതിനിടെയിലാണ് സ്ഥലം മാറ്റപ്പട്ടികയിൽ അഖിൽ ഉൾപ്പെട്ടത്. വൈക്കത്തു നിന്നും ചങ്ങനാശ്ശേരി നഗരസഭയിലേക്കാണ് മാറ്റം. അതേ സമയം സാങ്കേതിക നടപടി മാത്രമെന്നാണ് തദ്ദേശ വകുപ്പിൻ്റെ വിശദീകരണം.
Advertisements
