കോട്ടയം : ചങ്ങനാശേരിയിൽ നിന്നും കാണതായ വീട്ടമ്മയുടെ മൃതദേഹം പാറമടക്കുളത്തിൽ നിന്ന് കണ്ടെത്തി. ചങ്ങനാശേരി സ്വദേശിനിയായ ഇന്ദു മോൾ കെ.സി യുടെ മൃതദേഹമാണ് തെങ്ങണ പൊയ്ത്താനംകുന്ന് പാറമടയ്ക്ക് സമീപത്ത് നിന്ന് കണ്ടെത്തിയത്. കഴിഞ്ഞ ദിവസമാണ് ബാങ്കിലേയ്ക്ക് എന്ന പേരിൽ ഇവർ വീട്ടിൽ നിന്നും പുറത്തേയ്ക്ക് പോയത്. തുടർന്ന് , വീട്ടുകാർ ഇവർക്കായി അന്വേഷണം ആരംഭിച്ചു. ഇതിനിടെ ഇന്ന് ഉച്ചയോടെ മൃതദേഹം കണ്ടെത്തുകയായിരുന്നു. ഇൻക്വസ്റ്റ് അടക്കമുള്ള നടപടികൾ പൂർത്തിയാക്കി മൃതദേഹം സ്ഥലത്ത് നിന്നും മാറ്റും.
Advertisements
